اہل بیت(ع) نیوز ایجنسی۔ابنا۔ فلسطینیوں نے غرب اردن کے شہر بیت لحم میں ایوان صنعت و تجارت کے باہر احتجاجی اجتماع کر کے اس ایوان میں امریکی وفد کی موجودگی پر شدید احتجاج کیا۔
امریکی وفد کی موجودگی کی اطلاع ملنے پر فلسطینیوں نے ایوان صنعت و تجارت کے باہر اجتماع کیا اور امریکا کے خلاف نعرے لگانے کے ساتھ ہی وہاں موجود امریکی وفد کی جانب، جوتے اور انڈے پھینکے-
فلسطینی مظاہرین نے ٹرمپ کی مخاصمانہ پالیسیوں اور بیت المقدس کے بارے میں ان کے شیطانی فیصلے کی مذمت کرتے ہوئے ٹرمپ کے خلاف بھی شدید نعرے لگائے-
مظاہرے میں شریک فلسطیینوں کا کہنا تھا کہ بیت المقدس کے بارے میں ٹرمپ کے حالیہ فیصلے کے بعد اب امریکا کا پوری طرح بائیکاٹ کیا جانا چاہئے-
میڈیا رپورٹوں کے مطابق جس وقت بیت لحم کے ایوان صنعت و تجارت سے امریکی وفد باہر نکلا اس موقع پر فلسطینیوں اور امریکیوں میں جھڑپ بھی ہوئی-
۔۔۔۔۔۔۔۔۔۔۔۔۔۔۔۔۔۔
۲۴۲
