امیرجماعت اسلامی سراج الحق کی اسماعیل ہانیہ کو حماس کا سربراہ بننے پر مبارکباد

اہل بیت(ع) نیوز ایجنسی ۔ ابنا ۔ کی رپورٹ کے مطابق جماعت اسلامی پاکستان کے امیر سینیٹر سراج الحق نے فلسطین کے سابق وزیراعظم اسماعیل ہانیہ کو تحریک مزاحمت حماس کا نیا سربراہ منتخب ہونے پر مبارکباد دی ہے اور ہانیہ کیلئے نیک تمناؤں کا اظہار کیا ہے۔ سراج الحق نے کہا کہ تحریک حماس فلسطینی عوام کی نمائندہ جماعت ہے اور اسماعیل ہانیہ کا انتخاب ان پر فلسطینی قوم کے بھرپُور اعتماد کا مظہر ہے۔ سینیٹر سراج الحق نے فلسطینی عوام کی اُمیدوں پر پورا اُترنے کی دعا دیتے ہوئے کہا ہے کہ اسماعیل ہانیہ کا انتخاب اسلامی تحریکات میں حقیقی شورائیت اور جمہوریت کا مظہر ہے۔ انہوں نے کہا کہ حماس کیلئے اسماعیل ہانیہ کے انتخاب سے فلسطین کی آزادی کی تحریک کو نئی روح ملے گی اور اس میں مزید تیزی آئے گی۔

.....

/169