بھکر، سید وزارت حسین نقوی کے چہلم کی تقریب + تصاویر

1 جنوری 2017 - 15:51

News ID: 802093

چہلم میں قریبی اضلاع سرگودھا، میانوالی، لیہ، مظفر گڑھ، جھنگ، ملتان، ڈیرہ اسمٰعیل خان سے شیعہ علماء کونسل اور جعفریہ اسٹوڈنٹس آرگنائزیشن کے عہدیدار شریک ہوئے اور مرحوم وزارت حسین نقوی کی خدمات کو خراج عقیدت پیش کیا۔ انہوں نے کہا کہ تحریک جعفریہ نے پاکستان میں اہم کردار ادار کیا، ان کی خدمات کا اعتراف ملت جعفریہ کا ہر فرد کرتا ہے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق اسلامی تحریک پاکستان کے سینیئر نائب صدر سید وزارت حسین نقوی ایڈووکیٹ کے چہلم کا آغاز قصر زینب بھکر میں قرآن خوانی سے ہوا۔ چہلم میں علامہ ساجد علی نقوی، علامہ عارف واحدی، صوبائی صدر علامہ سید سبطین حیدر سبزواری، مرکزی نائب صدر علامہ مظہر عباس علوی، مجمع اہلبیت پاکستان کے سیکرٹری علامہ شبیر حسن میثمی، وفاق المدارس الشیعہ کے مرکزی جنرل سیکرٹری علامہ محمد افضل حیدری، وفاق علماء شیعہ پاکستان علامہ رضی جعفر نقوی، محمد شفیع پتافی، سکندر رضا نقوی، حسن عباس مرکزی صدر جے ایس او اور دیگر رہنما شریک ہوئے۔