اہل بیت(ع) نیوز ایجنسی ۔ ابنا ۔ کی رپورٹ کے مطابق جان کیری اپنے 2 روزہ دورے میں پاکستانی وزیر اعظم نواز شریف اور مشیر خارجہ سرتاج عزیز سے ملاقات کریں گےاور پاكستان اور امریكہ كے درمیان اسٹریٹجک مذاكرات میں شرکت کریں گے جس میں پاكستان كی نمائندگی سرتاج عزیز كریں گے،۔ مذاکرات میں پاک امریكہ وركنگ گروپ كے نتائج كے حوالے سے غور كیا جائے گا جب کہ دونوں ممالک کے درمیان تعلقات مزید مضبوط كرنے كے حوالے سے مختلف امور پر تبادلہ خیال بھی ہوگا۔ ذرائع کے مطابق جان کیری پاکستانی قیادت سے اسٹرٹیجک مذاکرات میں پاک، افغان تعلقات اور ہندوستان کےساتھ بڑھتی ہوئی کشیدگی پر بھی تبادلہ خیال کریں گے۔
.......
/169
