عوامي جمہوري نظام کي برقراري کے حامي ايک بار پھر سڑکوں پر

اہل بیت (ع) نیوز ایجنسی ـ ابنا ـ کی رپورٹ کے مطابق دارالحکومت منامہ اور جزيرہ سترہ سميت بحرين کے مختلف شہروں ميں منگل کے روز عوام کے مختلف طبقات نے سڑکوں پر مظاہرے کئے اور ملک ميں شاہي حکومت کي سرنگوني اور عوامي اور جمہوري حکومت کے قيام کا مطالبہ کيا-

مظاہرين نے اس موقع پر سرکاري اہلکاروں کي جانب سے عوام کي سرکوبي کي بھي مذمت کي اور تمام سياسي قيديوں کي رہائي کا مطالبہ کيا-
بحرين ميں آل خليفہ سے موسوم ايک خانداني شاہي حکومت کے خلاف سن دوہزار گيارہ سے ايک پرامن عوامي تحريک جاري ہے کہ جسے شاہي حکومت کے اہلکار سعودي عرب،اردن اور متحدہ عرب امارات کي سيکورٹي فورس کي مدد سےسختي کے ساتھ کچل رہے ہيں -

تاہم بحريني عوام کا کہنا ہے کہ ملک ميں خانداني آمريت کے خاتمے اور ايک عوامي جمہوري حکومت کي تشکيل تک ان کي پرامن تحريک جاري رہي گي-

.......

/169