ابنا: فیصل مقداد نے کہا کہ صہیونی ریاست، امریکہ ، کچھ مغربی اور عرب ممالک شام میں لڑنے والے دہشت گرد اور تكفیری گروہوں کو ہتھیار دیتے ہیں . انہوں نے شام میں ہونے والی تباہی، قتل ، تشدد ، اور جنسی استحصال کی جانب اشارہ کرتے ہوئے کہا کہ دشمن، شامی فوج کو نقصان پہنچانے اور فوج کو اس اصلي ذمہ داری سے دور کرنے یعنی اسرائیل کی جانب سے مقبوضہ سرزمینوں کو آزاد کرانے سے دور رکھنے کی کوشش کر رہے ہیں .
شام کے نائب وزیر خارجہ نے واضح کیا کہ کچھ فریق خاص طورپر کچھ عربی ملک یہ سوچتے ہیں کہ امریکہ، شام کو گھٹنے ٹیکنے پر مجبور کر دے گا لیکن ان کے اندازے بدل ہو چکے ہیں .
فیصل مقداد نے کہا کہ امریکہ اور اس کے مغربی اتحادی پیرس ، لندن اور دنیا کے دوسرے علاقوں سے شام میں دہشت گردوں کو بھیجنے کے لئے کوشش کرتے ہیں اور شام میں لیبیا، مصر، اردن، ترکی، امریکہ، فرانس ، ہالینڈ، بیلجئم، کویت، قطر، سعودی عرب اور متحدہ عرب امارات جیسے ممالک کے دہشت گرد سرگرم ہیں۔
.......
/169
