علماء کونسل کی تحلیل ان کی پرانی سوچ ہے جس کو عملی جامہ پہنانا بڑی حماقت ہے

اہلبیت(ع) نیوز ایجنسی۔ابنا۔ بحرین کے بزرگ عالم دین آیت اللہ شیخ عیسی قاسم نے شہر الدراز میں مسجد امام صادق (ع) میں نماز جمعہ کا خطبہ دیتے ہوئے کہا کہ وہ سیاست جو علماء کونسل کو منحل کرنے کے در پہ ہے وہ ایک ناکام سیاست ہے وہ کسی بھی صورت میں اسلامی مقدسات کی بے حرمتی اور لوگوں کے اموال کو لوٹنے کی جرئت نہیں کر سکتی۔انہوں نے تاکید کی کہ صرف یہ گمان کر لینا دیوانگی ہے کہ ہم شیعہ علماء کونسل کو منحل کر کے دین پر کاری ضربت لگا دیں گے۔آیت اللہ شیخ عیسی قاسم نے مزید تاکید کی کہ علماء کونسل کو منحل کرنے کی سوچ بہت پرانی سوچ ہے اور اس وقت اس سوچ کو عملی جامہ پہنانا سب سے بڑی حماقت ہے۔بحرین کی علماء کونسل کے سربراہ نے کہا کہ اس کونسل کو تحلیل کرنا ایسی سیاست ہے جس کا مقصد قوم کے درمیان مذہبی شگاف پیدا کرنا ہے۔۔۔۔۔۔۔۔۔۔۔۔۲۴۲