اہم طالبان سرغنہ، جیل سے فرار

ابنا:  ارنا کی رپورٹ کے مطابق افغانستان کے صوبے بادغیس کے گورنر کے ترجمان "میرویس میزاکوال" نے آج کہا کہ طالبان کا ایک اہم سرغنہ "ملا نور محمد" کہ جو گذشتہ پانچ برسوں سے صوبہ بادغیس کے جیل میں قید تھا گذشتہ رات جیل اسپتال سے فرار ہونے میں کامیاب ہوگیاہے۔ بادغیس کے گورنر کے ترجمان نے کہا کہ "ملا نور محمد" اپنی چھ سال کی سزا میں سے پانچ سال پوری کرچکا تھا اور اس کی سزا میں ایک سال سے زیادہ کی مدت باقی نہیں تھی کہ جیل اسپتال سے فرار ہونے میں کامیاب ہوگیاہے۔  افغانستان کے صوبے بادغیس کے گورنر کے ترجمان "میرویس میزاکوال" نے مزید کہا کہ طالبان کے اس اہم کمانڈر کی تلاش کے لئے ٹیمیں بنادی گئی ہیں اور اس فرار میں سستی برتنے والے اہل کاروں کو بھی گرفتار کرلیا گیا ہے اور ان سے بھی تحقیقات کی جاری ہیں۔ ادھر طالبان نے دعوی کیا ہے کہ ان کا اہم سرغنہ"ملا نور محمد" اپنے آٹھ ساتھیوں کے ساتھ طالبان گروہ کے ٹھکانے پہنچ کیا ہے۔ دوسری جانب افغانستان میں 11 طالبان ہلاک ہوگئے ہیں۔ ارنا کی رپورٹ کے مطابق افغانستان کے صوبوں ھلمند، غزنی ، قندھار ، سرپل اور ننگرہار میں افغان نیشنل آرمی کی گذشتہ 24 گھنٹوں کی کاروائی میں 11 طالبان ہلاک ہوگئے ہیں۔۔۔۔۔۔۔۔۔۔۔۔۲۴۲