نائب وزیر خارجہ: ایرانی کمپنیوں پر پابندی، نیک نیتی کے بر خلاف

ابنا: ایران کے نائب وزیر خارجہ اور ایٹمی مذاکرات کار ٹیم کے سینئر رکن سید عباس عراقچی نے 17 ایرانی کمپنیوں پر پابندیاں عائد کرنے کے یورپی یونین کے فیصلے کی تنقید کرتے ہوئے کہا کہ یہ اقدام باہمی تعاون اور نیک نیتی کے بر خلاف ہے۔سید عباس عراقچی نے کہا کہ یہ پابندی، حالیہ ایٹمی سمجھوتے سے پیدا ہونے والے ماحول میں تعاون اور نیک نیتی کے برخلاف ہے۔ انہوں نے کہا کہ ابھی ایٹمی سمجھوتے پر عمل شروع نہیں ہوا ہے۔واضح رہے کہ یورپی یونین نے ایک بیان جاری کیا ہے جس میں کہا گیا ہے کہ ایران کی جن کمپنیوں پر پابندیاں عائد ہیں ان میں 17 دیگر کمپنیوں کو بھی شامل کر لیا گیا ہے جبکہ چار کمپنیوں کو اس فہرست سے خارج کر دیا گیا ہے۔......./169