ابنا: اسرائیلی اخبار ’’دی ٹائمز آف اسرائیل‘‘ کے مطابق امریکی حکومت نے 27 رکن ملکوں پر مشتمل یورپی یونین پر دباؤ ڈال رہی ہے کہ لبنان کی اسلام پرست جماعت حزب اللہ کے خلاف ایکشن لیتے ہوئے ان کے خلاف کارروائی کی جائے۔
امریکی حکومت نے یورپی یونین پر ایک بار پھرزور دیا ہے کہ حزب اللہ کو بلیک لسٹ کرنے اور دہشت گرد گروپ قرار دینے کی اسرائیلی درخواست کو قبول کیا جائے۔
اخبار کے مطابق یورپی یونین نے کہا ہے کہ حزب اللہ لبنان کی ایک سیاسی جماعت ہے ان کی سرگرمیاں سیاسی نوعیت کی ہیں،اسے دہشت گرد گروپ کیسے قرار دیا جاسکتا ہے جب کہ اس سلسلے میں ٹھوس شواہد بھی نہیں ہیں۔
یورپی یونین کے ترجمان نے کہا ہے کہ لبنان کے ساتھ یورپی یونین کے اچھے تعلقات ہیں اور وہاں حزب اللہ کی حکومت ہے، اسے دہشت گرد قرار دے کر ہم اپنے تعلقات تباہ نہیں کریں گے۔
.......
/169
