مالي ميں موجود رہنے پر فرانس کا اصرار

ابنا: فرانس کے وزير جنگ جان ايلو ديريان کہا ہے کہ فراسيسي فوج شمالي مالي کے علاقے ميں سخت جنگ ميں الجھي ہوئي ہے اور ابھي اس ملک سے فوجوں کے انخلا کي بات کرنا قبل از وقت ہے-

چند روز پہلے فرانس کے صدر فرانسوا اولينڈ نے دبئي ميں کھل کر يہ بات کہي تھي کہ انکا ملک ميں مالي ميں طويل عرصے تک رہنے کا کوئي ارادہ نہيں رکھتا- انہوں نے دعوي کيا تھا کہ فرانس ہي مالي کے تنازعہ ميں فيصلہ کن کردار کا حامل ہے ليکن وہ اس ملک ميں دائمي مداخلت جاري نہيں رکھنا چاہتا-

فرانس کے سوشلسٹ صدر نے کا کہنا تھا کہ ان کا ملک ايک خاص مدت اور محدود مدت تک ہي افريقي تنازعات ميں مداخلت کرسکتا ہے، اولينڈ نے يہ بھي دعوي کيا کہ مالي کے تنازعہ ميں فرانس کي حاليہ مداخلت کا فرانس  کي استعماري پاليسيوں سے کوئي تعلق نہيں ہے-

فرانس کے صدر نے فرانس آفريک کے نام سے موسوم، ماضي کے فرانس اور افريقي ملکوں کے درميان تعلقات کي جانب بھي اشارہ کيا جو افريقہ  ميں فرانسيسي سامراج کے دور کي ميراث ہے اور فرانسيسي مفادات کي بالادستي اور تسلطہ پر استوار ہے-
فرانس ايفريک کي اصلاح افريقي کالونيوں  کے ساتھ سن ساٹھ کے برسوں ميں فرانس کے سياسي اور تجارتي تعلقات پر سايہ فگن خفيہ اداروں کے جال کے لئے استعمال کي جاتي ہے-

ايسا دکھائي ديتا ہے کہ مغربي ممالک غير تدوين شدہ قانون کے تحت اپني سابقہ کالونيوں ميں مداخلت کي پاليسيوں پر عمل کر تے چلے آرہے ہيں- مثال کے طور پر آئيوري کوسٹ اور مالي کے بحران ميں پہلے، سابق استمعاري ملک فرانس نے ايک منصوبہ پيش کيا اور اس کے بعد تمام مغربي ممالک نے اس کي حمايت شروع کردي-

مالي کے بحران کے بارے ميں اقوام متحدہ کي سلامتي کونسل ميں پيش کي جانے والي قرار داد کا ابتدائي مسودہ بھي پہلے فرانس ہي نے پيش کيا تھا-

بہر حال مالی ميں فوجي مووجودگي جاري رکھنے پر اصرار ايسے وقت ميں کيا جارہا ہے جب فرانس کے وزير جنگ نے حال ہي ميں اس بات کا اعتراف کيا تھا کہ مالي ميں فوجي مداخلت کے آغاز سے اب تک ايک سو تينتس مليں ڈالر کي رقم اس جنگ ميں خرچ کي جاچکي ہے-
فرانس کے مالياتي اور اقتصادي بحران کو ديکھتے ہوئے  مالي ميں فوجي مداخلت جاري رکھنے پر اصرار براعظم افريقہ ميں فرانس کے طويل المدت سامراجي عزائم کي نشاندھي کرتا ہے -

.....

/169