ابنا: بلوچستان کے حالات پر وزيراعظم کي زير صدارت پرائم منسٹر ہاوس ميں ہونيوالے اجلاس ميں وزيراعلي بلوچستان، وزراء اور ارکان پارليمنٹ شريک ہوئے. داخلہ، خزانہ اور اطلاعات کے وفاقي وزراء اور اعلي حکام بھي اجلاس ميں موجود تھے. سرکاري اعلاميہ کے مطابق اجلاس نے قانون نافذ کرنے والے اداروں کي طرف سے بلوچستان ميں جاري راہدارياں ختم کرنے اور ان اداروں کو آئندہ راہدارياں جاري کرنے کا اختيار نہ دينے کا فيصلہ بھي کيا.
يہ فيصلہ بھي کيا گيا کہ بلوچستان کے اندر نان کسٹم پيڈ گاڑيوں کي نقل و حرکت بند کرنے اور نان کسٹم پيڈ گاڑيوں کو پہلے سے جاري عارضي اجازت نامے بھي منسوخ کرديئے جائيں گے، بلوچستان ميں سياہ شيشے والي گاڑيوں پر پابندي لگانے کا فيصلہ بھي کيا گيا.
اجلاس ميں طے پايا کہ وزيراعظم کل 2 روزہ دورے پر بلوچستان جائيں گے جہاں وہ مختلف سماجي طبقوں سے مليں گے.
وزيراعظم نے بلوچستان ميں قانون نافذ کرنے والے اداروں کي صلاحيت بڑھانے کے علاوہ لاپتہ افراد سے متعلق ضروري قانوني سازي کرنے اور انسداد دہشت گردي ايکٹ ميں ترميم کي بھي ہدايت کي.
وزيراعلي بلوچستان کو وفاقي اور صوبائي قانون نافذ کرنے والے اداروں ميں بہتر رابطوں کو يقيني بنانے کا ٹاسک دے ديا گياہے. .......
/169
