نیویارک: بلوچستان میں دہشت گردی؛ ہزارہ برادری کا احتجاجی مظاہرہ

2 اکتوبر 2011 - 20:30

News ID: 269277

بلوچستان کے علاقے مستونگ میں زائرین کی بس پر فائرنگ سے انتیس زائرین شہید ہو گئے تھے

ابنا: امریکی شہر نیویارک میں ہزارہ برادری سے تعلق رکھنے والے شیعیان اہل بیت (ع) نے نے صوبہ بلوچستان میں اہل تشيع بالخصوص ہزارہ مؤمنین پر دہشت گرد ٹولوں کے حملوں کے خلاف پاکستانی قونصل خانے کے سامنے احتجاجی مظاہرہ کیا ہے۔نیویارک سے موصولہ اطلاعات کے مطابق جمعہ کی دوپہر کو پاکستانی قونصل خانے کے سامنے صوبہ بلوچستان سے تعلق رکھنے والی ہزارہ کمیونٹی کے سینکڑوں مردوں، عورتوں اور بچوں نے کوئٹہ اور مستونگ سمیت صوبے کے مختلف علاقوں میں ہزارہ برادری سے تعلق رکھنے والے شیعیان اہل بیت (ع) پر ہونے والے دہشت گردانہ حملوں کے خلاف کئی گھنٹوں تک احتجاجی مظاہرہ کیا۔مظاہرین نے حال ہی میں بلوچستان کے علاقے مستونگ میں زائرین کی بس پر دہشت گردی کے حملے میں شہید و زخمی ہونے والے افراد کی تصاویر اور کتبے اٹھا رکھے تھے جن پر درج تھا کہ کوئٹہ میں ہزارہ برادری کا قتل عام بند کیا جائے۔ریلی سے خطاب کرتے ہوئے مقررین نے پاکستانی حکومت پر سخت تنقید کی اور کہا کہ وہ ہزارہ لوگوں کو تحفظ دینے اور نسلی و مذہبی مسلح گروہوں کے ہزارہ برادری پر حملوں کو روکنے میں ناکام ہو چکی ہے۔نیویارک میں ہزارہ کمیونٹی کے ترجمان لیاقت علی نے بی بی سی سے بات کرتے ہوئے کہا کہ بلوچستان میں ہزارہ برادری سب سے زیادہ پرامن ہے اور صوبے، ملک کے ہر شعبے میں خدمات سرانجام دینے کے باوجود ان کی نسلی و مذہبی مسلح گروہوں کے ہاتھوں نسلی کشی جاری ہے۔ان کے بقول گذشتہ آٹھ سال سے اب تک ہزارہ برادری کے سینکڑوں افراد قتل ہو چکے ہیں اور ان ہلاکتوں کی وجہ سے ہزارہ برادری کے لوگوں کی ایک بڑی تعداد کوئٹہ اور ملک کے دیگر حصوں سے نقل مکانی پر مجبور ہے۔لیاقت علی نے کہا کہ ہزارہ کمیونٹی پر بغیر کسی روک ٹوک کے جاری حملوں کی ایک حالیہ مثال بلوچستان کے علاقے مستونگ میں ایران جانے والے زائرین کی بس پر فائرنگ کا واقعہ ہے جس میں ملوث افراد کے خلاف اب تک کوئی کارروائی نہیں کی گئی ہے۔........./110

ہزارہ مومنین کی ٹارگٹ کیلنگ کیخلاف سویڈن میں احتجاجی مظاہرہ

ہزارہ مومنین کی ٹارگٹ کیلنگ کیخلاف آسٹریا میں احتجاجی مظاہرہ

ہزارہ مومنین کی ٹارگٹ کیلنگ کیخلاف ناروے میں احتجاجی مظاہرہ

ہزارہ مومنین کی ٹارگٹ کیلنگ کیخلاف جرمنی میں احتجاجی مظاہرہ

ہزارہ مومنین کی ٹارگٹ کیلنگ کیخلاف انڈونیشیاء میں احتجاجی مظاہرہ

ہزارہ مغل برادری کا بین الاقوامی کمیشن بنانے کا مطالبہ

کوئٹہ:متعدد واقعات میں تین افراد زخمی

کوئٹہ سے ایران جانے والی شیعہ زائرین کی بس پر حملہ ‘ 26 افراد شہید / اپڈیٹ شہداء کی تعداد 30

کوئٹہ میں نماز عید کے بعد خودکش حملہ،11 شیعہ نمازی شہید، متعدد زخمی / ویڈیو لنک اور تصاویر /اپڈیٹ: ایک پیغام

کوئٹہ میں یوم القدس کے حوالے سے آیت اللہ العظمی سیستانی "مدظلہ العالی" کی وضاحت

مستونگ دہشت گردی؛ پاکستان میں مچھر مارنا زیادہ مشکل ہے شیعہ کو مارنا آسان / رپورٹ

بلوچستان ہائی کورٹ کا واقعہ مستونگ کا از خود نوٹس لینے کا ا علان