ابنا: وزیرداخلہ رحمان ملک نے کہاہے کہ دہشت گردی کے واقعات میں منشیات کے کاروبار کا تعلق بھی ہے۔ پاک امریکامذاکرات میں امریکی وفد کی قیادت معاون وزیرخارجہ برائے انسداد منشیات ولیم براوٴن فیلڈنے کی جبکہ وفاقی سیکریٹری داخلہ خواجہ صدیق نے پاکستان کی نمائندگی کی۔ ابتدائی دور میں وزیرداخلہ رحمان ملک شریک ہوئے، انہوں نے خطاب میں کہاکہ پاکستان میں آئی ای ڈیز سے 11 ہزار سے زائد افراد ہلاک ہوئے ہیں اور ایسے بموں کی تیاری کو سختی سے روکنے کی اشد ضرورت ہے۔ مذاکرات میں سء آئی ایکے نمائندے اوراسٹریٹیجک تعاون کے عہدیداربھی شریک ہوئے۔ پاکستانی وفد میں قانون نافذ کرنے والے اداروں کے اعلٰی عہدے دار اور نادرا کے سربراہ شریک تھے ،مذاکرات میں منشیات کی روک تھام اور قانون نافذ کرنے والے اداروں کی صلاحیت کے امورپرغورکیاگیا۔ پاکستان نے امریکا کو بتایا کہ دیسی ساختہ بموں کے خلاف جلد قانون سازی کی جارہی ہے جبکہ اینٹی منی لانڈرنگ ایکٹ میں ترامیم بھی کی جارہی ہے۔
۔۔۔۔۔۔۔۔۔۔۔۔۔۔
/169
