اہل بیت نیوز ایجنسی ابنا کی رپورٹ کے مطابق، طالبان کے اہلکار آج کلینک پہنچے اور اس کی سرگرمیاں روک کر عمارت کو سیل کر دیا۔ فاطمہ الزہرا(س) کلینک افغانستان کی شیعہ برادری سے منسلک طبی مراکز میں شامل ہے اور دستیاب معلومات کے مطابق اسے ایران کی حمایت سے تعمیر کیا گیا تھا، جہاں کابل کے شہریوں کو طبی خدمات فراہم کی جاتی تھیں۔
یہ کارروائی ایسے وقت میں کی گئی ہے جب گزشتہ چند ماہ کے دوران طالبان کی وزارتِ عدلیہ نے شیعہ اور ہزارہ برادری سے منسلک متعدد مذہبی، تعلیمی اور ثقافتی مراکز کی سرگرمیاں بھی روک دی ہیں۔
اس سے قبل کابل میں خاتم النبیین(ص) حوزہ علمیہ، خاتم الانبیاء(ص) علمی و ثقافتی کمپلیکس اور بعض دیگر شیعہ مراکز کو بھی طالبان سے وابستہ اہلکاروں نے بند کیا تھا۔ بعض مراکز کے ذمہ داران اور کارکنوں کی گرفتاری کی اطلاعات بھی سامنے آئی ہیں۔
طالبان نے بعض سابقہ کارروائیوں میں زمین کی ملکیت سے متعلق معاملات اور مبینہ امارت مخالف سرگرمیوں کو اپنے اقدامات کی وجوہات قرار دیا تھا۔
تاہم، فاطمہ الزہرا(س) کلینک کی بندش کے بارے میں طالبان کی وزارتِ عدلیہ کی جانب سے تاحال کوئی باضابطہ وضاحت سامنے نہیں آئی۔
آپ کا تبصرہ