افغان طالبان سے ''تمام سطحوں''تک رسائی کی کوشش کررہے ہیں

دفتر خارجہ کے ترجمان عبدالباسط نے ہفتہ کے روز ایک بیان میں کہا ہے کہ ''ہم ان سے تمام سطحوں تک رسائی کی کوشش کر رہے ہیں اور ہم سب یہ چاہتے ہیں کہ ہماری کوششیں بار آور ثابت ہوں لیکن اس موقع پر اس بارے میں کچھ کہنا مشکل ہے''.
افغان حکومت بھی طالبان کو قومی دھارے میں دوبارہ شامل کرنے کا منصوبہ تیار کر رہی ہے جس کے تحت نچلے درجے سے لے کر درمیانے درجے کے طالبان مزاحمت کاروں سے رابطہ کیا جائے گا لیکن اس میں طالبان مزاحمت کاروں کے سنئیر لیڈروں پر کوئی توجہ مرکوز نہیں کی گئی ہے.