اہل بیت(ع) نیوز ایجنسی۔ابنا۔ اطلاعات کے مطابق حیسن امیر عبداللہیان یمن کے بارے میں ہونے والے او آئی سی کے ہنگامی اجلاس میں شرکت کے لئے سعودی عرب گئے ہیں- اگرچہ امیر عبداللہیان او آئی سی کے اجلاس میں شرکت کے لئے سعودی عرب گئے ہیں لیکن علاقے کے حالات، خاص طور سے، علاقائی مسائل میں ایران اور سعودی عرب کے اختلافات کے پیش نظر امیر عبداللہیان کا دورہ سعودی عرب خاص اہمیت کا حامل ہے- ایران نے بحران زدہ ملک یمن پر سعودی عرب اور اس کے اتحادیوں کے حملوں پر شدید احتجاج کیا ہے- ایران نے اسی کے ساتھ فوری جنگ بندی اورانسان دوستانہ امداد نیز دواؤں کی ترسیل کی فراہمی کے لئے محاصرے کے خاتمے کا مطالبہ بھی کیا ہے-
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۲۴۲
