اہل بیت(ع) نیوز ایجنسی ـ ابنا ـ کے مطابق، صدر ڈاکٹر مسعود پزشکیان نے کہا کہ اقوام متحدہ کی جنرل اسمبلی کا اجلاس بہترین موقع ہے جہاں ہم اس نقطہ نگاہ کو مسترد کریں گے جو غلط طور پر ہمارے بارے میں رائج کیا گیا ہے، اور کہیں گے کہ اگر تم انسان ہو اور تمہارے پاس ضمیر ہے تو سب ہی انسانوں کو ٹھیک سے دیکھو۔
صدر اسلامی جمہوریہ ایران ڈاکٹر مسعود پزشکیان اقوام متحدہ کی جنرل اسمبلی کے اجلاس میں شرکت کے لئے نیویارک پہنچ گئے ہیں؛ اور نیویارک پہنچنے کے بعد ایک گفتگو میں غزہ اور غرب اردن میں غاصب صہیونی ریاست کے وحشیانہ جرائم میں شدت آنے کا حواہ دیتے ہوئے کہا کہ روئے زمین پر سب ہی جیتی جاگتی مخلوقات کو جینے کا حق حاصل ہے۔
انھوں نے کہا کہ غزہ میں مظلوم فلسطینی عوام پر مظالم ڈھائے جا رہے ہیں اور ان کی نسل کُشی کی جا رہی ہے لیکن وہ انسانی حقوق کے دعویدار ممالک انسانی اقدار، انسانی جانوں اور انسانی حقوق، کو نظرانداز کر رہے ہیں اور صہیونی ریاست کے جرائم دیکھ ہی نہیں رہے ہیں۔
صدر پزشکیان نے سوالیہ انداز سے کہا کہ یہ انسانیت اور انسانی حقوق کے دعویدار، غزہ کی صورتحال اور وہاں رونما ہونے والے واقعات کو دیکھ کر بھی، ان پر آواز کیوں نہيں اٹھاتے؟ یہی نہیں بلکہ بعض اوقات انتہائی بے شرمی کے ساتھ صہیونی ریاست کے جرائم کا دفاع بھی کرتے ہیں اور اسی کے ساتھ انسانیت اور انسانی حقوق کی بات بھی کرتے ہیں؛ یہ تضاد ناقابل قبول ہے۔ ان کے انسانیت اور انسانی حقوق کے دعوے جھوٹے ہیں۔
ڈاکٹر پزشکیان نے اقوام متحدہ کی جنرل اسمبلی کے اجلاس میں میں شرکت کے لئے اپنے دورہ نیویارک کے بارے میں کہا کہ ہم اس دورے میں، ان اقدار و ںظریات کے بارے میں بات کریں گے جن کا اقوام متحدہ کی تنظیم دعوی کرتی ہے اور اس سے کہیں گے کہ انسانی اقدار کے لئے کام کرے۔
انھوں نے کہا کہ میں اپنے اس دورے میں یہ کہنا چاہتا ہوں کہ اگر سچے ہو تو صرف نعرے مت لگاؤ بلکہ اس پر عمل کرکے بھی دکھاؤ۔
۔۔۔۔۔۔
110
