اہل بیت(ع) نیوز ایجنسی۔ابنا۔ ایرانی بحریہ کے کمانڈر نے کہا کہ اسلامی جمہوریہ ایران کی فوج، امن اور دوستی کا پیامبر ہے اور ہم کبھی بھی بعض ممالک کیجانب سے خطے کے امن اور سلامتی کو خطرے میں ڈالنے کی اجارت نہیں دیں گے۔
ان خیالات کا اظہار ایڈمیرل "شہرام ایرانی" نے آج بروز بدھ کو ایران کی میزبانی میں کنارک پورٹ میں منعقدہ چھٹے بین الاقوامی آرمی ڈائیونگ مقابلوں کی اختتامی تقریب کے موقع پر گفتگو کرتے ہوئے کیا۔
انہوں نے مزید کہا کہ آج، ہم ایک ایسے طریقے سے کام کرنے میں کامیاب ہو چکے ہیں جو سب کو مطمئن کرتا ہے اور یہ مقابلے قوموں کی یکجہتی کو ظاہر کرتے ہیں جس کی وجہ سے برداشت اور مزاحمت، سامراجیت کیخلاف جنگ، خود اعتمادی اور خود کفالت پر مبنی امن اور دوستی قائم ہوئی ہے۔
ایرانی بحریہ کے کمانڈر نے ان مقابلوں کے پیغامات میں سے ایک کو عزت اور وقار قرار دیتے ہوئے کہا کہ کچھ لوگ، آزاد ممالک کو ایک دوسرے کیساتھ مل کر دیکھنا برداشت نہیں کر سکتے ہیں مگر ہم ہر سال دستیاب صلاحیتوں کیساتھ مختلف عالمی فوجی مقابلوں کی میزبانی کرنے اور مقابلوں کے معیار کو بہتر بنانے کی کوشش کرتے ہیں۔
ایڈمیرل ایرانی نے اس امید کا اظہار کرلیا کہ مزید ممالک، اسلامی جمہوریہ ایران میں اگلے عالمی فوج کے مقابلوں میں حصہ لیں گے۔
انہوں نے کہا کہ یہ تیسری بار ہے کہ ہم نے ان مقابلوں کی میزبانی کی ہے اور ملک کے شمال میں پہلی بار ہم سی کپ مقابلوں کی میزبانی کر رہے ہیں؛ ان مقابلوں کے پیغامات دوست اور دشمن کو بھیجے گئے ہیں۔
ایڈمیرل ایرانی نے کہا کہ آج جب ملکوں کی مسلح افواج اکٹھی ہوتی ہیں تو یہ دشمن کو ایک خاص پیغام بھیجتی ہے اور دشمنوں کو ان کا پیغام یہ ہے کہ وہ اچھی طرح جان لیں کہ آزاد ممالک عزت، احترام اور وقار کیساتھ ان کیخلاف مقابلہ کرتے ہوئے ان کو بدنام کریں گے۔
۔۔۔۔۔۔۔۔۔۔۔۔
۲۴۲
