سعودی عرب اور یمن

سعودی عرب کی یمن کے کئی صوبوں پر بمباری، تعز میں 2 شہری شہید

سعودی عرب کی جانب سے یمن کے مختلف صوبوں پر حملوں کا سلسلہ جاری ہے، جس کے دوران صعدہ، عمران، تعز، الجوف، مأرب اور حجہ کے علاقوں کو نشانہ بنایا گیا ہے۔

یمنی حکومت کے ترجمان: مکہ پر حملے کا سعودی دعویٰ ’صدی کا جھوٹ‘ ہے

یمن کی نیشنل سالویشن حکومت کے ترجمان عمر البخیتی نے سعودی عرب کے اس دعوے کو ’صدی کا جھوٹ‘ قرار دیا ہے کہ یمن کی جانب سے مکہ مکرمہ کو نشانہ بنایا گیا، جبکہ خبردار کیا ہے کہ یمن کے خلاف سعودی حملوں میں اضافے کا جواب مسلح افواج کی جانب سے مزید سخت اور بھرپور انداز میں دیا جائے گا۔

یمن کی بڑھتی ہوئی طاقت

سعودی فضائی حملوں کا جواب؛ سعودیوں کی پریشان رات، مختلف علاقوں پر یمنیوں کے شدید اور مسلسل حملے

یمن کی فوج کے شدید میزائل-ڈرون حملوں کے بعد سعودی عرب کے کئی شہروں میں وارننگ سسٹم فعال ہو گیا۔

سعودی عرب کے جھوٹ کے بارے میں انصاراللہ یمن کا دنیا کو انتباہ

یمن کی تحریک انصاراللہ کے ترجمان محمد عبدالسلام نے سعودی عرب کی جانب سے یمن پر جاری فضائی حملوں کی مذمت کرتے ہوئے دنیا کے ممالک کو سعودی عرب کے دعوؤں اور مبینہ جھوٹے پروپیگنڈے سے خبردار کیا ہے۔

المخا سے باب المندب تک؛ یمنی مسلح افواج کا ساحلِ مغربی پر مکمل کنٹرول

یمن کی مسلح افواج نے ساحلِ مغربی کے اہم شہر المخا اور باب المندب سے متصل ساحلی علاقوں سمیت بحیرہ احمر کے متعدد اہم جزیروں کا کنٹرول سنبھال لیا ہے، جس کے بعد یمن کی جنگی صورتحال میں ایک بڑی تبدیلی سامنے آئی ہے اور باب المندب پر یمنی افواج کا براہِ راست کنٹرول قائم ہوگیا ہے۔

یمنی انسانی حقوق کمیشن: سعودی عرب نے شہریوں کے خلاف جنگی جرائم کا ارتکاب کیا

یمن کے قومی انسانی حقوق کمیشن کے سربراہ علی تیسیر نے سعودی عرب پر یمن میں شہریوں اور غیر فوجی مقامات کو نشانہ بنانے کا الزام عائد کرتے ہوئے کہا ہے کہ رہائشی علاقوں پر حملے بین الاقوامی انسانی قوانین اور انسانی حقوق کی کھلی خلاف ورزی ہیں۔

یمنی افواج کی تیزرفتار پیشقدمی

المخا میں بجلی کی تیزی سے پیشقدمی، انصار اللہ باب المندب کے دروازے پر + ویڈیو

ذرائع کے مطابق، یمنی افواج نے المخاء کے ساحلی علاقے میں بجلی کی سی تیزی سے پیشقدمی کرکے سعودیوں کے کرائے کے فوجیوں کو پسپائی پر مجبور کر دیا۔ یہ پیشقدمی شمال سے ساحل کی جانب اور مشرق سے المخا کی تزویراتی بندرگاہ کے ہوائی اڈے تک جاری رہی ہے۔ شائع ہونے والی تصاویر کے مطابق، سعودی ملیشیائیں کئی محاذوں پر شکست و ریخت سے دوچار ہو کر، فرار ہو گئے ہیں۔

انصار اللہ کا سعودی عرب پر صہیونی ایجنڈا آگے بڑھانے کا الزام؛ یمن کو فلسطین کی حمایت سے ہٹانے میں ناکام رہنے کا دعویٰ

یمن کی انصار اللہ نے سعودی عرب پر الزام عائد کیا ہے کہ یمن کے خلاف مسلسل حملے اور پابندیاں فلسطین کی حمایت سے یمن کو دستبردار کرانے اور اسرائیلی مفادات کو آگے بڑھانے کی کوشش ہیں۔ انصار اللہ نے سعودی حکام سے مطالبہ کیا ہے کہ وہ امریکا اور اسرائیل کی حمایت کا دائرہ چھوڑ کر فلسطینی عوام کی مدد کا راستہ اختیار کریں۔

صنعا کا سعودی عرب کو بڑا انتباہ: یمنی مزاحمت آخرکار ریاض کو گھٹنے ٹیکنے پر مجبور کردے گی

یمن کی وزارت خارجہ کے نائب وزیر برائے سیاسی امور عبداللہ علی صبری نے دعویٰ کیا ہے کہ یمن کی موجودہ جنگی حکمتِ عملی بالآخر سعودی عرب کو مذاکرات کی میز پر واپس آنے اور یمنی عوام کے جائز مطالبات تسلیم کرنے پر مجبور کردے گی۔

صنعا کا سعودی عرب کو انتباہ: وقت ضائع نہ کریں

یمن کی انصار اللہ کے سیاسی دفتر کے رکن محمد الفرح نے سعودی عرب کو خبردار کرتے ہوئے کہا ہے کہ وقت ضائع کرنے سے مواقع ہاتھ سے نکل رہے ہیں۔

یمنی فوج کا سعودی اتحاد کا جاسوس و جنگی ڈرون مار گرانے کا اعلان

صنعا: یمنی مسلح افواج نے دعویٰ کیا ہے کہ اس نے سعودی اتحاد سے وابستہ ایک جاسوس و جنگی ڈرون کو صوبہ الجوف کی فضائی حدود میں "دشمنانہ کارروائی" کے دوران مار گرایا ہے۔

انصار اللہ: سعودی عرب کے حق میں جانبدارانہ بیانات یمنی عوام کے حقوق کو نظرانداز کرتے ہیں

یمن کی تحریک انصار اللہ کے سیاسی دفتر کے رکن محمد الفرح نے بعض ممالک کی جانب سے سعودی عرب کی حمایت میں جاری حالیہ بیانات کو جانبدارانہ قرار دیتے ہوئے کہا ہے کہ ایسے مؤقف یمنی عوام کے جائز حقوق اور برسوں سے جاری جنگ و محاصرے سے پیدا ہونے والی مشکلات کو نظرانداز کرتے ہیں۔

یمن کا محاصرہ ختم کرانے کے لیے ہر ممکن اقدام کریں گے، مہدی المشاط کا دوٹوک اعلان

یمن کی سپریم پولیٹیکل کونسل کے سربراہ مہدی المشاط نے سعودی عرب پر یمن کا محاصرہ جاری رکھنے کا الزام عائد کرتے ہوئے کہا ہے کہ صنعاء نے برسوں امن کی کوشش کی، لیکن اب یمن کو حق حاصل ہے کہ وہ اپنے عوام کا محاصرہ ختم کرانے کے لیے ہر ضروری اقدام کرے۔

یمن کا سعودی عرب سے جارحیت اور محاصرہ ختم کرنے کا مطالبہ؛ ہماری خودمختاری اور حاکمیت قابلِ سودا نہیں، وزارت خارجہ

یمن کی وزارت خارجہ و تارکینِ وطن نے سعودی عرب کے حالیہ مؤقف کو مسترد کرتے ہوئے ریاض پر یمن کے خلاف جارحیت، محاصرے اور اندرونی معاملات میں مداخلت جاری رکھنے کا الزام عائد کیا ہے۔ وزارت نے زور دیا کہ صنعا کا واحد مطالبہ یمن کی مکمل آزادی، غیرمشروط خودمختاری اور یمنی عوام کے جائز حقوق کا احترام ہے۔

یمنی مسلح افواج کا سعودی عرب کے خلاف بحری محاصرہ نافذ کرنے کا اعلان

یمنی مسلح افواج نے ایک بیان جاری کرتے ہوئے سعودی عرب کے خلاف بحری آمد و رفت پر پابندی عائد کرنے کا اعلان کیا ہے۔ بیان کے مطابق یہ فیصلہ "محاصرے کے بدلے محاصرہ" کی حکمت عملی کے تحت کیا گیا ہے اور اس پر فوری طور پر عمل درآمد شروع کر دیا گیا ہے۔

یمن میں غیر معمولی فوجی نقل و حرکت، مختلف محاذوں پر الرٹ

یمنی ذرائع نے انصار اللہ اور عدن میں قائم حکومت کی اتحادی افواج کے درمیان تمام محاذوں پر غیر معمولی فوجی نقل و حرکت کی اطلاع دیتے ہوئے کہا ہے کہ گزشتہ 48 گھنٹوں کے دوران دونوں فریقوں نے بڑی تعداد میں فوجی دستے اور جنگی ساز و سامان مختلف محاذوں پر منتقل کیے ہیں، جس سے وسیع پیمانے پر دوبارہ جنگ چھڑنے کے خدشات بڑھ گئے ہیں۔

اگر ریاض نے امریکہ کی خدمت بند نہ کی تو حیران کن نتائج بھگتنا ہوں گے

یمن کی تحریک انصار اللہ کے رہنماؤں نے سعودی عرب اور امریکہ کو خبردار کرتے ہوئے کہا ہے کہ اگر ریاض نے امریکہ کی حمایت اور یمن کے خلاف پالیسیوں کا سلسلہ جاری رکھا تو آنے والے دنوں میں اسے نئے اور غیر متوقع حالات کا سامنا کرنا پڑ سکتا ہے۔

انصار اللہ رہنما: صنعاء میں طیارہ اتارنے پر اصرار سعودی عرب اور امریکہ کے لیے واضح پیغام ہے

یمن کی تحریک انصار اللہ کے سیاسی دفتر کے رکن محمد الفرح نے کہا ہے کہ قومی وفد اور مریضوں کی اپنی مقررہ پرواز کے ذریعے صنعاء واپسی پر اصرار یمن کے قومی حقوق اور خودمختاری پر ثابت قدمی کی علامت ہے۔ انہوں نے کہا کہ صنعاء کسی بیرونی دباؤ یا مسلط کردہ شرائط کو قبول نہیں کرے گا۔

یمنی مسلح افواج کا دعویٰ: سعودی حملے کے جواب میں ابہا ایئرپورٹ کو میزائلوں اور ڈرونز سے نشانہ بنایا

یمنی مسلح افواج نے اعلان کیا ہے کہ سعودی عرب کی جانب سے صنعاء بین الاقوامی ہوائی اڈے پر فضائی حملے کے جواب میں ابہا بین الاقوامی ہوائی اڈے کو متعدد بیلسٹک میزائلوں اور ڈرونز سے نشانہ بنایا گیا ہے۔ بیان میں سعودی فضائی حدود استعمال کرنے والی ایئرلائنز کو بھی احتیاطی انتباہ جاری کیا گیا ہے۔

یواےای یمن میں کسی بھی فریق کوعسکری یا مالی معاونت کا عمل فوری بند کرے، سعودی عرب

یمن کے امن کے لیے مذاکرات ہی واحد حل ہیں، سعودی وزارت خارجہ