ابنا: روس کے نائب وزیر دفاع "آناتولی آنتونوف" نے مزید کہا کہ اس وقت روس کی فوج کے تمام یونٹوں کی سرگرمیاں جنگی تربیت کے تحت وضع کیئے گيئے پروگرام کے مطابق انجام دی جارہی ہیں اور یہ سرگرمیاں کسی کے لئے بھی خطرہ نہیں ہیں اور اس حوالے سے کوئی قانونی رکاوٹ بھی موجود نہیں ہے۔ روس کے نائب وزیر دفاع نے اس سوال کے جواب میں کہ کی یف نے مسلح افواج کی نقل و حرکت کے حوالے سے ماسکو کو خبردار کیا ہے ، کہا کہ بحیرۂ اسود میں روس کا بیڑا ، روس و یوکرین کے درمیان ہونے والے سمجھوتے کی بنیاد پر یوکرین کی سرزمین میں موجود ہے۔ یاد رہے کہ یوکرین کے عبوری صدر "الکسانڈر تورجینوف" نے گذشتہ روز اعلان کیا تھا کہ روس کے جنگی بیڑے کی ہر قسم کی نقل و حرکت اور اپنی معینہ حدود سے باہر نکلنا ، یوکرین کے خلاف فوجی حملہ شمار کیا جائے گا۔......./169
27 فروری 2014 - 20:30
News ID: 509890
روس کے نائب وزیر دفاع نے کہا ہے کہ بحیرۂ اسود میں اس ملک کا بحری بیڑا یوکرین کے لۓ خطرہ نہیں ہے اور روس میں موجودہ فوجی مشقیں دوجانبہ سمجھوتوں کی بنیاد پر انجام پارہی ہیں۔
