ابنا: روسی ریڈیو کے ساتھ گفتگو کرتے ہوئے شام کے صدر کی سیاسی و ذرائع ابلاغ کے امور کی مشیر "بثینہ شعبان" نے کہا کہ شام کے وزیر خارجہ "ولید معلم" نے جنیوا ٹو اجلاس کو ملت شام کی خواہشات کا ترجمان اور شام مخالف گروہوں کو ملت شام کی تباہی کا باعث قرار دیاہے۔"بثینہ شعبان" نے مزید کہا کہ ہم نے نہایت ہی اطمینان کے ساتھ اس کانفرنس میں شرکت کی ہے شام کی حکومت کے مطالبات ، اس ملک کے عوام کی خواہشات کے عین مطابق ہیں۔ شام کے صدر کی سیاسی و ذرائع ابلاغ کے امور کی مشیر "بثینہ شعبان" نے کہا کہ جنیواٹو کانفرنس کے لئے شام کے صدر کے پیغام میں بھی ملت شام کے مفادات کو سرفہرست رکھا گیا ہے۔ انہوں نے مزید کہا کہ بعض ممالک ملت شام کے حقیقی دشمن کے طور پر سامنے آئے ہیں۔
.......
/169
