ابنا: پارليمنٹ کے اسپيکر نے ايران کے شمالي شہر نوشہر ميں ايراني بحريہ کي نئي ٹکنالوجي کے قومي سمينار ميں تقرير کرتے ہوئے کہا کہ دنيا ميں پائي جانےوالي موجودہ ناانصافيوں کے پيش نظر اسلامي جمہوريہ ايران مظلوموں کے دفاع کي پاليسي کےتحت دنيا بھر کے مظلوموں کي سياسي اور اخلاقي حمايت کرتا ہے ۔ڈاکٹر لاريجاني نے فلسطينيوں اور حزب اللہ کے لئے ايران کي کھلي حمايت اور مدد کي جانب اشارہ کرتے ہوئے کہا کہ فلسطين کے مظلوم عوام گذشتہ کئي عشروں سے ظلم وستم کي چکي ميں پس رہے ہيں، اس لئے ان کي سياسي فوجي اور اخلاقي حمايت ضروري ہے ۔ اسلامي جمہوريہ ايران کي پارليمنٹ کے اسپيکر نے اس بات کا ذکر کرتے ہوئے کہ بحريہ کو اسٹريٹجک فورس کے طور پر ديکھا جاتا ہے کہا کہ ايران کي فوج کي دفاعي اسٹريٹيجي اسلامي جمہوريہ ايران کي ارضي سالميت اور اقتدار اعلي کا دفاع کرنا ہے ۔انہوں نے کہا کہ دشمن نے مختلف مواقع پر ايران کے خلاف پابندياں عائد کيں ليکن ايران کي مسلح افواج نے اپنے جہادي تفکر اور محنت و لگن سے دفاعي ميدانوں ميں جديد ترين ٹکنالوجيوں تک رسائي حاصل کي اور آج ايران کي مسلح افواج علاقے کي طاقتور ترين فوج ميں تبديل ہوچکي ہيں ۔اس سمينار ميں ايران کي فوج کي بحريہ کے سربراہ ايڈمرل سياري نے کہا کہ بحرہند اور بحيرہ مازندران کے علاقے ميں مواصلاتي خطوط کي سلامتي، ايراني بحريہ کے لئے ہميشہ بہت ہي اہميت کي حامل رہي ہے ۔ سمندر ميں دفاعي سسٹم کي ترقي، بحريہ کےشعبے ميں اعلي ترين ٹکنالوجي کو متعارف کرانا، نئي ٹکنالوجي تک رسائي، پروفيسروں کي معلومات ميں اضافہ کرنا، تحقيقاتي مراکز سے تعاون اور بحريہ کے تحقيقاتي شعبوں ميں لوگوں کي حوصلہ افزائي کرنا مذکورہ سمينار کے اہم مقاصد بيان کئےگئے ہيں ۔
.......
/169
