شیخ حسن شحاتہ کی مجلس ترحیم پر سلفیوں کا حملہ+تصاویر

اہلبیت(ع) نیوز ایجنسی۔ابنا۔ مصر میں تکفیری وہابیوں کے ہاتھوں شہید ہونے والے شیعہ عالم دین دین شیخ حسن شحاتہ کی مجلس ترحیم گزشتہ شب کویت کے دار الحکومت کے علاقے ’’ بنید القار‘‘ میں منائی گئی۔کویت کے سابقہ پارلیمنت ممبر ’’صالح عاشور‘‘ اور اس شہر کے شیعوں کی جانب سے امام بارگاہ ’’عاشور‘‘ میں منعقدہ مجلس ترحیم  کے اختتام پر اس ملک کے سلفی وہابیوں نے شرکت کرنے والوں پر بعنوان اعتراض حملہ کر دیا۔سلفی تکفیری یوں تو تمام شہداء اور مرحومین کے لیے مجلس ترحیم منعقد کرنے پر معترض ہیں ہی تاہم شیخ حسن شحاتہ سے انہیں خاص الرجی پائی جاتی ہے چونکہ انہوں نے اپنی پوری زندگی وہابیت کے خلاف جنگ کی تھی اور آخر کار وہابیوں کے بہیمانہ حملات کا نشانہ بنے تھے۔اطلاعات کے مطابق حملے کے نتیجہ میں کویت کے چند شیعہ افراد زخمی ہوئے ہیں۔

کویت کے سابقہ پارلیمنٹ ممبر صالح عاشور کا کہنا ہے: ہم ایسے ملک میں جی رہے ہیں جو تمام ادیان کو اپنے مراسم انجام دینے کی آزادی دیتا ہے۔ ہم نے کسی دھشتگرد کی مجلس نہیں منائی، شیخ شحاتہ کوئی دھشتگرد نہیں تھے، انہوں نے کویت کے ساتھ کوئی برا نہیں کیا شیخ شحاتہ کا جرم صرف اتنا تھا کہ انہوں نے ہمیشہ اپنے اعتقادات کا دفاع کیا۔’’ حزب العدالہ و السلام‘‘ نے ایک بیان جاری کر کے سلفیوں کے اس اقدام کی مذمت کی ہے۔

واضح ہے کہ شب پانزدہم شعبان مصر کے صوبہ ’’ الجیزہ‘‘ کے علاقے ابو مسلم میں ولادت امام زمانہ (ع) سے متعلق منعقدہ پروگرام پر حملہ کر کے شیخ حسن شحاتہ اور ان کے بھائی سمیت ۵ افراد کو شہید جبکہ متعدد کو زخمی کر دیا تھا۔

۔۔۔۔۔۔۔۔۔۔۔۔۲۴۲