ترجمان وزارت خارجہ کي پريس کانفرنس

ابنا: وزارت خارجہ کے ترجمان نے منگل کو ہفتہ وار پريس بريفنگ ميں مصرکے صدارتي انتخابات ميں اسلام پسند اميدوار محمد مرسي کي کاميابي پر مبارکباد پيش کرتے ہوئے کہا کہ محمد مرسي کي کاميابي سے يہ بات ظاہر ہے کہ مصري عوام اپنے انقلاب کو قدم بہ قدم آگے بڑھانے ميں پرعزم ہيں اور علاقے کے خود مختار ممالک بھي خطے ميں پائيدار امن کي تقويت کے لئے مصر کي نئي حکومت سے تعاون کرسکتے ہيں –ايران کي وزارت خارجہ کے ترجمان نےباکو سے ايران کے سفير کي تہران واپسي کے بارے ميں بھي کہا کہ جمہوريہ آذربائجان ميں مراجع کرام اور ديني مقدسات کي اہانت کے بعد باکو ميں ايران کے سفير کو واپس بلاليا گيا ہے اور جس وقت ايران کے سفير کو واپس بلايا جارہا تھا اسي وقت جمہوريہ آذربائجان کے حکام نے اپنے بيانات ميں اس بات کا اعلان کيا کہ ديني مقدسات کي اہانت کرنےوالوں کا حکومت سے کوئي تعلق نہيں ہے اور حکومت اس کي سخت مخالف ہے - وزارت خارجہ کے ترجمان نے ساتھ ہي يہ بھي کہا کہ ہمسايہ ملکوں کو چاہئے کہ وہ دوطرفہ تعلقات کي توسيع کے لئے پائے جانےوالے مواقع سے بھرپور استفادہ کريں اور ايسا ماحول نہ بنائيں جس کي وجہ سے عوام کے جذبات مجروح ہوں -وزارت خارجہ کے ترجمان نے شام ميں اغوا کئے گئے ايراني انجينئروں کے بارے ميں پوچھے گئے ايک سوال کے جواب ميں کہا کہ اگرچہ شام ميں حالات  کشيدہ ہيں مگر اس کے باوجود وزارت خارجہ ايراني شہريوں کي بحفاظت رہائي کے لئے پوري کوشش کررہي ہے -......./169