صہیونی عہدیدار: بائیڈن کی فکر نہ کرو، وہ اسرائیل کا حقیقی دوست ہے

اہل بیت(ع) نیوز ایجنسی۔ابنا۔ فارس نیوز ایجنسی کے مطابق صہیونی ریاست میں "ڈیموکریٹک پارٹی" شاخ کی سربراہ ہیدر اسٹون نے امریکی صدارتی امیدوار جو بائیڈن کو "اسرائیل کا ایک حقیقی دوست" قرار دیا۔
"جو بائیڈن اسرائیل کے ایک سچے دوست ہیں اور اسرائیل فلسطین تنازعے کے دو ریاستی حل کو برقرار رکھنے میں مدد کریں گے، یہ بات صہیونی ٹی وی چینل آئی ۲۴ نے اسٹون سے نقل کرتے ہوئے بتائی۔
صہیونی عہدیدار نے زور دے کر کہا کہ بائیڈن بچپن سے ہی ایک "صیہونی" تھے اور "اس سلسلے میں کوئی پریشانی والی بات نہیں ہے۔"
انہوں نے کہا ، "وہ اس خیال کے ساتھ پروان چڑھے ہیں کہ اگر اسرائیل موجود نہیں ہے تو اسے وجود میں لایا جائے گا۔"
اسٹون کا خیال ہے کہ "بائیڈن بھی ان لوگوں میں شامل تھے جنہوں نے اسرائیل اور خلیجی عرب ریاستوں کے مابین طے پانے والے معاہدوں کا خیرمقدم کیا۔ "لہذا ان سے توقع کی جاتی ہے کہ وہ اسی سیاسی لکیر پر عمل کریں جس کی شروعات ٹرمپ نے مشرق وسطی میں کی تھی۔"
بائیڈن نے امریکی انتخابات سے قبل کہا تھا کہ وہ صہیونی حکومت کو تحفظ فراہم کریں گے۔
خیال رہے کہ امریکی انتخابات کے دو دن بعد ملک کی مختلف ریاستوں میں تناؤ بڑھتا جارہا ہے۔ ٹرمپ نے کہا ہے کہ وہ سپریم کورٹ میں انتخابی دھوکہ دہی کا مقدمہ دائر کریں گے۔

..............

242