اہل بیت(ع) نیوز ایجنسی ـ ابنا ـ کے مطابق، عرب
ذرائع نے بتایا کہ جنگ بندی معاہدے کے تحت رہا کیے گئے فلسطینی اسیروں کی زیادہ تر
تعداد غزہ کے یورپین اسپتال منتقل ہوئی ہے جہاں زخمی اور بیمار لوگوں کو طبی امداد
دی جائے گی جب کہ بہت سے قیدی بسوں میں فلسطین کے مغربی کنارے بھی پہنچے ہیں۔
موصولہ رپورٹوں کے مطابق، اسرائیلی عقوبت خانوں
سے رہا ہونے والے بہت سے فلسطینی اسیروں کی حسمانی حالت بہت کمزور تھی، کچھ کے
اعضاء درندہ صفت صہیونی بھیڑیوں نے نکال دیتے تھے؛ جب کہ کچھ کو ان کے زخموں کی
شدت کی وجہ سے ایمبولینس میں غزہ منتقل کیا گیا۔
صہیونی حکام نے 24 قیدی بچوں کی رہائی حماس کی
جانب سے حوالے کی گئی لاشوں کی شناخت تک معطل کردی ہے!
رپورٹ میں بتایا گیا ہے کہ اسرائیل 97 فلسطینی قیدیوں
کو مصری حکام کے حوالے بھی کرے گا تاہم اس حوالے سے ابھی مزید تفصیل سامنے نہیں
آئی۔
یاد رہےکہ گذشتہ ہفتے قیدیوں کی رہائی کے حوالے
سے پیدا ہونے والے بحران کو حل کرنے کے لیے حماس اور اسرائیل کے درمیان 4 مزید صہیونی
قیدیوں کی لاشوں کے بدلے 620 فلسطینی قیدیوں
کی رہائی پر اتفاق ہؤا تھا۔
600 سے زائد فلسطینی قیدی جو پچھلے ہفتے رہا ہونے تھے لیکن اسرائیل
کی جانب سے ان کی رہائی روک دی گئی تھی تاہم گذشتہ رات حماس کی جانب سے اسرائیلی قیدیوں
کے لاشے واپس کرنے کے بعد آج اسرائیل نے فلسطینی قیدی رہا کردیے۔
واضح رہے کہ صہیونی قیدی خود صہیونی ریاست کی بمباریوں میں ہلاک ہو چکے ہیں۔
۔۔۔۔۔۔۔۔
110
