اہل بیت(ع) نیوز ایجنسی ـ ابنا ـ کے مطابق، خاتم
الانبیا (ص) مرکزی ہیڈکوارٹرز کے کمانڈر میجر جنرل غلام علی رشید نے ذوالفقار-1403
فوجی مشقوں کے کمانڈروں سے خطاب کرتے ہوئے کہا کہ ہر سال اوسطا 30 فوجی مشقیں ایران
کے مختلف علاقوں میں منعقد ہوتی ہیں اور اس کے علاوہ دسوں خصوصی ٹریننگ کی کورسز
کا سلسلہ جاری رہتا ہے جس کا اعلان نہیں کیا جاتا۔
انھوںانہوں نے کہا کہ فوج اور سپاہ پاسداران نے
گذشتہ 6 مہینوں کے دوران 27 فوجی مشقیں منعقد کی ہیں جن میں سے بہت سی مشقوں کو
منظر عام پر نہیں لایا گیا ہے۔
میجر جنرل رشید نے کہا کہ فوجی کمانڈروں کو بتا
دیا گیا ہے کہ ایران کی فوجی طاقت کا ایک مختصر حصہ دکھایا جائے اور باقی حصے مکمل
طور پر خفیہ رہیں گے۔
انہوں نے کہا کہ ہمارے دشمنوں نے گذشتہ چار دہائیوں
سے ہمارے عوام کے اتحاد کو سمجھا ہی نہیں جس کے نتیجے میں ان کے اندازے ہمیشہ غلط
نکلے۔
خاتم الانبیا (ص) مرکزی ہیڈکوارٹرز کے کمانڈر نے
بتایا کہ صہیونی ریاست پچھلے چار مہینوں سے ایران کی طاقت کا غلط اندازہ لگاتی آرہی
ہے اور اسی غلط اندازوں کی بنیاد پر امریکہ، یورپ اور علاقے کے بعض ممالک کو فریب
دینا چاہتی ہے۔
انھوں نے کہا کہ صہیونیوں نے اپنی 70 سالہ ناجائز اور جارحیت پر
مبنی زندگی میں ہمیشہ دنیا کو اپنی جھوٹی طاقت سے مرعوب کرنے کی کوشش کی اور آج اسی
جھوٹ کا پردہ فاش ہو چکا ہے اور یہ اس ناجائز ریاست کے وجود تک کو خطرہ لاحق ہوگیا
ہے۔
میجر جنرل غلام علی رشید نے صہیونی ریاست اور
امریکہ کو خبردار کیا کہ اگر کسی غلطی کا ارتکاب کرتے ہوئے ایرانی عوام کے مفادات
کو نقصان پہنچانے کی کوشش کی گئی، تو ایران کی مسلح افواج کا جواب تباہ کن اور فیصلہ
کن ہوگا اور جس مقام سے حملہ ہوگا اور جس مقام سے صہیونی ریاست کی حمایت کی جائے گی،
ان سب کو تباہ و برباد کرکے رکھ دیں گے۔
۔۔۔۔۔۔۔۔۔۔۔
110
