غزہ کی جنگ انسانیت کو بچانے کی جنگ ہے، آئی ایس او کے مرکزی کنونشن سے ہرمیت سنگھ کا خطاب

اہل بیت(ع) نیوز ایجنسی ـ ابنا ۔ کے مطابق، پاکستان کے سینئر صحافی و سکھ اینکر پرسن ہرمیت سنگھ نے امامیہ سٹوڈنٹس آرگنائزیشن پاکستان کے 53ویں مرکزی کنونشن  کے موقع پر فلسطین مرکز حُریت کانفرنس سے خطاب کرتے ہوئے کہا ہے کہ فلسطینی شہیدوں کو دیکھ کر حوصلہ بلند ہوتا ہے، ان شہیدوں کا خون عنقریب رنگ لائے گا۔

انھوں نے کہا: مجھے مزاحمتی گروہوں میں ہر شخص ہمت و عزم کا پہاڑ نظر آتا ہے، مظلوموں کا سپہ سالار دکھائی دیتا ہے۔

امامیہ سٹوڈنٹس آرگنائزیشن پاکستان کے 53ویں مرکزی کنونشن  کے موقع پر فلسطین مرکز حُریت کانفرنس سے خطاب کرتے ہوئے انہوں نے کہا کہ اسماعیل ہانیہ پر ہم قربان ہوجائیں کہ جنہوں نے اپنے بچے، پوتے پوتیوں سمیت اپنا سب کچھ اس راہ میں قربان کردیا۔

میں کیوں نہ ذکر کروں حسن نصراللہ کا کہ جنہوں نے تین دہائیوں تک اسرائیل کو سینکڑوں محاذوں پر شکست سے دوچار کیا۔

ہرمیت سنگھ نے کہا: شہید سید حسن نصر اللہ نے کہا تھا کہ اسرائیل مکڑی کے جالے سے بھی زیادہ کمزور ہے اور آج ہم اس کا مشاہدہ کررہے ہیں۔

میں کیوں نہ سلام پیش کروں یحییٰ السنوار پر کہ جن کی شہادت نے ہم سب کا سر فخر سے بلند کردیا، انہوں نے ثابت کردیا کہ وہ مرد میدان تھے۔

ہرمیت سنگھ نے مزید کہا کہ فلسطین کا معاملہ ہر اس شخص کا ہے جو باضمیر اور حسینی ہے، غزہ کی جنگ انسانیت کی جنگ ہے، انسانیت کو بچانے کی جنگ ہے، انسانیت کی تکریم کی جنگ ہے لہذا ہم سب کو باہر نکلنا ہوگا، کھڑا ہونا ہوگا اور اپنی توانا آواز بلند کرنا ہوگی۔

انھوں نے اپنے خطاب کے آخر میں شہداء کے حق میں اور اسرائیل کے خلاف نعرے لگوائے۔

۔۔۔۔۔۔۔۔۔

سوالیہ نکتہ: سکھوں نے انسانیت کے لئے بول اٹھے جن کا غزہ اور لبنان کے عوام سے صرف انسانیت کا رشتہ ہے، مغربی غیر مسلم بھی ہر روز مغربی تہذیب کو لتھاڑ رہے ہیں تو دو ارب مسلمانوں کو کیوں سانپ سونگھ گیا ہے جن کا غزاویوں اور لبنانیوں سے انسانی رشتہ بھی ہے اور دینی اور مذہبی رشتہ بھی؛ یہ سوال بہت سنجیدہ ہے کہ کیا ہم ان سانچوں "یعنی انسانیت اور اسلام" میں ڈھلتے کیوں نہیں ہیں؟

۔۔۔۔۔۔۔۔۔

ویڈیو ضرور دیکھئے۔

۔۔۔۔۔۔۔۔۔

110