اہل بیت(ع) نیوز ایجنسی

ماخذ : ارنا
پیر

20 جنوری 2025

9:07:43 AM
1524366

طوفان الاقصیٰ؛

طوفان الاقصیٰ غاصب ریاست کے تابوت میں آخری کیل / محاذ مقاومت اور ایران کو ہمارا سلام ہے، ابوعبیدہ

حماس کی فوجی ونگ عزالدین القسام بریگیڈز کے ترجمان غزہ میں جنگ بندی کے بعد اپنی پہلی تقریر میں کہا ہے کہ معرکۂ طوفان الاقصیٰ تاریخ کی ایک مثالی مزاحمت ثابت ہوئی ہے جس نے صہیونی ریاست پر کاری ضرب لگائی ہے۔

اہل بیت(ع) نیوز ایجنسی ـ ابنا ـ کے مطابق، حماس کی فوجی ونگ عزالدین القسام بریگیڈز کے ترجمان ابوعبیدہ نے اپنی تقریر میں کہا کہ معرکۂ طوفان الاقصیٰ زوال کے راستے پر گامزن غاصب صہیونی ریاست کے تابوت پر آخری کیل ثابت ہوئی۔

ابوعبیدہ کی تقریر کے اہم نکات:

- ہمارے عوام کے عظیم ایثار اور ان کا قیمتی خون رائیگاں نہیں جائے گا۔

- طوفان الاقصیٰ نے استقامت اور مزاحمت کی ایک تاریخی مثال قائم کردی۔

- ہمارے کاروان شہداء نے مقدس مقامات اور سرزمین کی آزادی اور اپنی حریت کی حفاظت کے لئے جانوں کا نذرانہ پیش کیا۔

- فلسطینی عوام کے ہاتھوں ایک تاریخی مثال قائم ہوئی جس کی پوری دنیا ميں مثال نہيں ملتی۔

- طوفان الاقصیٰ نے صہیونی ریاست اور اس کے وحشی، قاتل اور خونخوار حکام اور فوجیوں کے چہرے بے نقاب کر دیئے اور انہیں رسوائے عالم کردیا۔

- طوفان الاقصیٰ نے علاقے کا حلیہ بدل ڈالا اور نیا موازنہ قائم کیا۔

- طوفان الاقصیٰ نے دشمن پر کاری ضرب لگائی اور اس کو بھاری نقصان پہنچایا۔

- صہیونی ریاست کا وجود اس دور کی سب سے بڑی غلطی ہے جس کا غاصبانہ رویہ علاقے کو متاثر کر رہا ہے۔

- ہم نے، محاذ مقاومت میں اپنے بھائیوں کے شانہ بشانہ اور پوری طاقت اور استقامت کے ساتھ جنگ لڑی اور وہ مقام حاصل کیا جسے اس سے قبل صرف افسانوں میں سنا جاتا تھا۔

- ہماری لڑائی انتہائی مشکل تھی جسے معمول کے فوجی قواعد میں دیکھا نہیں جاسکتا۔

- فلسطینی مجاہدوں نے خونخوار اور مجرم قاتلوں کے ٹولے اور عالمی طاقتوں کا مقابلہ کیا ہے۔

- دشمن نے ہمارے گھرانوں کو قتل، گھروں کو تباہ اور درندگی کے ساتھ مختلف طریقوں کے وحشیانہ تشدد اور کینہ پروری کا مظاہرہ کیا۔

- علاقے کے رجحان کو اپنے حق میں موڑنے کی صہیونی کوشش معرکۂ طوفان الاقصیٰ کے نتیجے میں ناکام ہوگئی اور اب وقت آگیا ہے کہ اسرائیلی دشمن کو ہتھیار ڈالنے پر مجبور کیا جائے اور اس کے غاصبانہ اقدامات کا خاتمہ کیا جائے۔

- ہم شروع ہی سے جنگ بندی اور قیدیوں کے تبادلے کے خواہاں تھے اور آج بھی اس معاہدے کی تمام شقوں پر عملدرامد کرنے کے لئے تیار ہیں۔

- غزہ پٹی کے حامی محاذ مقاومت سے وابستہ تمام تحریکوں اور تنظیموں اور ممالک کا شکریہ ادا کرتے ہیں اور ہمارا سلام ہے لبنان، ایران اور عراق پر۔

- ہم انصاراللہ میں اپنے بھائیوں اور حزب اللہ کے مجاہدوں کا خاص طور پر شکریہ ادا کرتے ہیں جنہوں نے ہماری حمایت کے لئے بھاری قیمت ادا کی ہے۔

- ہم ایران کے شکرگزار ہیں جس نے ہماری مسلسل حمایت کی اور وعدہ صادق کی دو کارروائیاں کرکے صہیونیوں پر کاری ضرب لگائی۔

- عراق کی اسلامی استقامت اور اردن میں اپنے ان بھائیوں کو بھی سلام کرتے ہیں جنہوں نے ہماری حمایت میں مقبوضہ سرزمینوں کے حدود میں داخل ہوکر صہیونیوں کو نشانہ بنایا۔

- دنیا بھر میں کروڑوں لوگوں نے اپنی حریت کا مظاہرہ کرتے ہوئے غزہ کی حمایت کی جن کی کوششوں کو ہم خراج تحسین پیش کرتے ہیں۔

- فلسطینیوں کو جو نقصان ہؤا ہے وہ بہت المناک ہے اور اس کا ہمیں احساس بھی ہے لیکن یہ درد فلسطین کی سرزمین، اس کے مقدس مقامات اور عوام کی حریت برقرار رکھنے کی قیمت تھی جو ہم نے ادا کی ہے اور اس کا پھل آج ہمیں ملا ہے۔

- طوفان الاقصیٰ نے صہیونی ریاست اور اس کے وحشی، قاتل اور خونخوار حکام اور فوجیوں کے چہرے سے نقاب ہٹا دی اور انہیں رسوا کردیا اور نتیجہ یہ ہؤا کہ آج وہ عالمی عدالت کے فیصلے کے نتیجے میں، پوری دنیا کے ممالک کی سیکورٹی اداروں کو مطلوب مجرم ہیں۔

۔۔۔۔۔۔۔۔۔۔

110