اہل بیت(ع) نیوز ایجنسی ـ ابنا ـ کے مطابق،
وزارت خارجہ کے ترجمان اسماعیل بقائی نے اپنے ایک بیان میں کہا ہے کہ غاصب صہیونی
ریاست علاقائی امن و استحکام کے لیے فوری اور حقیقی خطرہ ہے جو امریکہ اور فرانس
سمیت بعض یورپی ممالک کی بھرپور حمایت کے
کے ذریعے نہ صرف مقبوضہ فلسطین میں نسل کشی کر رہی ہے بلکہ جارحیت اور توسیع
پسندی کا دائرہ خطے کے مختلف ممالک تک پھیلا رہی ہے۔
انھوں نے کہا کہ یہ انتہائی بدقسمتی کی بات ہے
کہ نسل کش اور نسل پرستی صہیونی ریاست کا مواخذہ کرنے کے بجائے، جس کے عہدیدار بین
الاقوامی فوجداری عدالت کو مطلوب ہیں، فرانسیسی صدر ایک ایسے ملک پر الزام تراشی
کر رہے ہیں جو ہمیشہ عالمی امن و سلامتی
اور بین الاقوامی قوانین اور اصولوں کے احترام کا علمبردار رہا ہے۔
وزارت خارجہ کے ترجمان نے ایران کے جوہری
پروگرام کے بارے میں بھی فرانسیسی صدر کے دعوے کو مسترد کرتے ہوئے کہا کہ ایران کی
پرامن جوہری سرگرمیاں بین الاقوامی قوانین کے مطابق ہیں اور بین الاقوامی ایٹمی
توانائی ایجنسی کی سخت اور مسلسل نگرانی کے تحت جاری ہیں۔
انہوں نے کہا کہ یہ دعوی ایک ایسی حکومت کی جانب
سے کیا گیا ہے جو ایران کے ساتھ ہونے والے ایٹمی معاہدے پر دستخط کرنے کے باوجود
اس پر عملدرآمد سےگریزاں رہی ہے اور دوسری
جانب ایٹمی ہتھیاروں کے حصول اور فلسطینیوں کی نسل کشی میں صہیونی ریاست کا بھرپور
ساتھ دے رہی ہے۔
ایران کی وزارت خارجہ کے ترجمانے کہا کہ ایسی
حکومت کی جانب سے ایران پر الزام تراشی
دراصل عالمی رائے عامہ کو گمراہ کرنے کے سوچے سمجھے منصوبے کا حصہ ہے۔
۔۔۔۔۔۔۔۔۔
110