اہل بیت (ع) نیوز ایجنسی۔ابنا۔ نائیجر کی حکومت نے پرائمری اسکول میں آگ لگنے سے کم از کم 25 طلباء کی ہلاکت کے ردعمل میں منگل کو جاری کردہ ایک بیان میں تین روزہ عوامی سوگ کا اعلان کیا ہے۔
بیان میں کہا گیا ہے کہ پیر کو جنوبی نائیجر کے ایک اسکول میں آگ لگنے سے کم از کم 25 طلباء ہلاک اور 14 دیگر زخمی ہو گئے ۔
یہ اسکول مراڈی ٹاؤن میں، نائیجر کے دارالحکومت نیامی سے 600 کلومیٹر مشرق میں واقع ہے۔
الیوم السابع کی رپورٹ کے مطابق، زخمیوں میں سے پانچ کی حالت تشویشناک بتائی جاتی ہے۔
ضلع کے ڈائریکٹر تعلیم نے کہا کہ آگ لگنے کی وجہ ابھی تک معلوم نہیں ہوئی ہے، لیکن مراڈی میں اسکول بند کر دیے گئے ہیں اور تین دن کے عوامی سوگ کا اعلان کیا گیا ہے۔
ایک سال میں یہ دوسرا موقع ہے جب نائیجر میں تعلیمی اداروں میں آگ لگنے سے بچے ہلاک ہوئے ہیں ۔
.........
242