غاصب صہیونی ریاست کے ساتھ روابط کی برقراری فلسطینی قوم سے واضح خیانت: انصار اللہ

غاصب صہیونی ریاست کے ساتھ روابط کی برقراری فلسطینی قوم سے واضح خیانت: انصار اللہ

یمن کی عوامی تحریک انصارالله نے غاصب صہیونی حکومت کے ساتھ روابط کی برقراری کو فلسطینی قوم سے واضح اور آشکارا خیانت قرار دیا ہے۔

اہل بیت(ع) نیوز ایجنسی۔ابنا۔ العالم کی رپورٹ کے مطابق یمن کی عوامی تحریک انصارالله کے ترجمان محمد عبدالسلام نے بعض عرب حکومتوں کی جانب سے قدس کی غاصب اور جابر صیہونی حکومت کے ساتھ روابط کی برقراری پر کہا کہ وہ کسی بھی چیز کو اپنے اس اقدام سے بدل نہیں سکتے اس لئے کہ اس سے قبل بھی ان کے در پردہ اسرائیل کے ساتھ روابط تھے۔

انصارالله کے ترجمان کا کہنا تھا کہ فلسطین کا مسئلہ، ایک اسلامی اور عربی مسئلہ ہے اور کسی بھی طور قدس کی غاصب اور غیر قانونی حکومت کو تسلیم نہیں کر سکتے۔

محمد عبدالسلام نے کہا کہ یمن کے عوام، فلسطین کی حمایت اور غاصب دشمن کے ساتھ ہر قسم کے روابط کی برقراری کے خلاف ہیں اور اپنے اسی موقف کی وجہ سے انھیں سعودی اتحاد کی جارحیت کا سامنا کرنا پڑ رہا ہے۔

یاد رہے کہ متحدہ عرب امارات اور بحرین نے منگل کی رات وائٹ ہاؤس میں امریکی صدر ٹرمپ اور صیہونی وزیر اعظم نتن یاہو کی موجودگی میں غاصب صیہونی حکومت کے ساتھ تعلقات کو معمول پر لانے کے ایک سمجھوتے پر دستخط کردئے۔

اسرائیل کے ساتھ متحدہ عرب امارات اور بحرین کے تعلقات کی بحالی کے سمجھوتے پر دستخط کے موقع پر عرب اسرائیل دوستی منصوبے کے مخالفین کی ایک بڑی تعداد نے وائٹ ہاؤس کے سامنے اکٹھا ہو کر اسرائیل کے غاصبانہ قبضے اور فلسطینیوں کے حقوق کی پامالی کے خلاف مظاہرے کئے۔

۔۔۔۔۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

دنیا میں عزائےحسینی کی خبریں
عاشورا خلقت کا راز
ویژه‌نامه ارتحال آیت‌الله تسخیری
پیام رهبر انقلاب به مسلمانان جهان به مناسبت حج 1441 / 2020
اہل بیت(ع) انٹرنیشنل یونیورسٹی میں داخلے کا اعلان (2021-2022)

All Content by AhlulBayt (a.s.) News Agency - ABNA is licensed under a Creative Commons Attribution 4.0 International License