وفاق ٹائمز کے چیف ایڈیٹر کی فلسطین میں خاتون صحافی کی شہادت پر شدید مذمت

وفاق ٹائمز کے چیف ایڈیٹر کی فلسطین میں خاتون صحافی کی شہادت پر شدید مذمت

محمد ابراہیم صابری نے بین الاقوامی اداروں اور انسانی حقوق کی تنظیموں اور صحافت کی عالمی یونین سے اپیل کی کہ وہ فلسطین میں خاتون صحافی کو شہید کئے جانے کے بارے میں آزادانہ تحقیقات کے لئے آواز اٹھائیں۔

اہل بیت(ع) نیوز ایجنسی۔ابنا۔ وفاق ٹائمز کے چیف ایڈیٹر محمد ابراہیم صابری نے ایک بیان میں الجزیرہ کی فلسطینی خاتون صحافی کی شہادت پر تعزیت پیش کرتے ہوئے غاصب صہیونی حکومت کے اس مجرمانہ اقدام کو اس بات کا واضح ثبوت قرار دیا کہ یہ غاصب اسرائیل خبروں کی حقیقت کے انکشاف سے خوف کھاتی ہے یہاں تک کہ وہ اپنے جرائم کی پردہ پوشی کے لئے نامہ نگاروں اور صحافیوں تک کا خون بہانے سے گریز نہیں کرتی۔

انہوں نے بین الاقوامی اداروں اور انسانی حقوق کی تنظیموں اور صحافت کی عالمی یونین سے اپیل کی کہ وہ فلسطین میں خاتون صحافی کو شہید کئے جانے کے بارے میں آزادانہ تحقیقات کے لئے آواز اٹھائیں۔

محمد ابراہیم صابری نے مزید کہا کہ الجزیرہ ٹی وی کی صحافی کی شہادت سے فلسطینیوں کی آواز کمزور ہونے کے بجائے مزید مضبوط اور مستحکم ہوگی۔

۔۔۔۔۔۔۔۔۔۔۔۔۔

242


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*