نائیجیریا میں نامعلوم مسلح افراد نے 50 لوگوں کا قتل عام کر دیا

نائیجیریا میں نامعلوم مسلح افراد نے 50 لوگوں کا قتل عام کر دیا

شمال مغربی نائیجیریا کے صوبے ’کیبی‘ کے ایک گاؤں میں نامعلوم مسلح افراد نے 50 لوگوں کا قتل عام کیا۔

اہل بیت(ع) نیوز ایجنسی۔ابنا۔ مہر نیوز کے مطابق، مقامی بااثر شخصیت عبداللہ کارمان اوناشی نے اتوار کے روز بتایا کہ مسلح عناصر نے صوبے کیبی کے دنکید گاؤں میں قتل عام کیا۔ مسلح عناصر نے اس حملے کے دوران کئی دوکانوں، گوداموں اور زرعی پیداوار کو بھی آگ لگائی۔ اس کے علاوہ مسلح عناصر نے گاؤں کے کئی افراد کو اغواء کرلیا۔

رپورٹ ملنے تک کسی گروہ نے اس حملے کی ذمہ داری نہیں لی تھی لیکن اس حملے کے تعلق سے شک کی سوئی دہشتگرد گروہ بوکوحرام کی طرف اٹھ رہی ہے۔

نائیجیریا میں حالیہ کچھ برسوں میں بہت سے خونی حملے ہوئے ہیں۔ یہ حملے شمالی نائیجیریہ سے شروع ہوئے اور پھر دوسرے علاقوں تک پھیل گئے۔ دشتگرد گروہ بوکو حرام نے سنہ 2009 میں شمالی نائیجیریا میں اسلحہ اٹھایا اور پھر اس کے حملے کا دائرہ نیجر، چاڈ اور شمالی کیمرون تک پھیل گیا۔

اس دوران بوکوحرام کے ہاتھوں نائیجیریا، نیجر، کیمرون اور چاڈ میں 30 ہزار سے زیادہ لوگ مارے گئے اور 20 لاکھ سے زیادہ بے گھر ہوئے ہیں۔

۔۔۔۔۔۔۔۔۔۔۔۔۔۔۔

242


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*