?>

مغرب عورت کو سامان اور وسیلے کی نگاہ سے دیکھتا ہے: رہبر انقلاب

مغرب عورت کو سامان اور وسیلے کی نگاہ سے دیکھتا ہے: رہبر انقلاب

رہبر انقلاب اسلامی نے فرمایا ہے کہ اسلام اور اسلامی جمہوریہ خواتین کو عزت و احترام کی نگاہ سے دیکھتا ہے۔

اہل بیت(ع) نیوز ایجنسی۔ابنا۔  رہبر انقلاب اسلامی نے یوم خواتین کی مناسبت سے بدھ کو مداحان و ذاکرین اہلبیت علیہم السلام کے ایک آن لائن اجلاس سے خطاب کرتے ہوئے خواتین کے سلسلے میں اسلام اور مغرب کے نظریے میں بنیادی فرق کی جانب اشارہ کرتے ہوئے فرمایا ہے کہ اسلام اور اسلامی جمہوریہ ایران عورت کو عزت و احترام کی نگاہ سے دیکھتا ہے جبکہ مغرب اسے سامان اور وسیلے کی نگاہ سے دیکھتا ہے۔

رہبر انقلاب اسلامی آیت اللہ العظمی خامنہ ای نے حضرت فاطمہ زہرا سلام اللہ اور حضرت امام خمینی رح کے یوم ولادت با سعادت اور یوم خواتین وعشرہ فجر کی مبارک باد دی۔ رہبر انقلاب اسلامی نے اپنے خطاب میں فرمایا کہ اسلام میں مرد و عورت کے درمیان الہی و انسانی اقدار کے لحاظ سے کوئی فرق نہیں ہے البتہ مشترکہ ذمہ داریوں کے ساتھ ہی دونوں کے اپنے خصوصی فرائض بھی ہیں اور اسی بنا پر اللہ تعالی نے ان کی جسمانی ساخت کو بھی ان کی خاص ذمہ داریوں کے پیش نظر بنایا ہے۔

رہبر انقلاب اسلامی نے فرمایا کہ ہم اسلام کے نظریے پر افتخار کرتے ہیں اور عورت کے بارے میں مغرب کے طرز فکر اور سبک زندگی پر سراپا احتجاج ہیں ۔رہبر انقلاب اسلامی نے مغربی ممالک کے اس پروپیگنڈے کی جانب اشارہ کرتے ہوئے کہ اسلام اور اسلامی حجاب عورت کی ترقی میں رکاوٹ ہے فرمایا کہ یہ کھلا جھوٹ ہے اور اس کے حقیقت کے برخلاف ہونے کی دلیل اسلامی جمہوریہ ایران میں خواتین کی پوزیشن و حیثیت ہے۔

رہبر انقلاب اسلامی آیت اللہ العظمی خامنہ ای نے حضرت فاطمہ زہرا (س)، حضرت علی (ع) اور آپ کی اولاد پاک علیہم السلام کو ایک اسلامی خاندان کا اعلی نمونہ قرار دیا اور فرمایا کہ ان بزرگ ہستیوں کی اتباع و پیروی اور خلوص و محبت کو نمونہ عمل بنا کر اسلامی معاشرے کو عروج پر پہنچایا جا سکتا ہے ۔

۔۔۔۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

مغربی ممالک میں پیغمبر اکرم (ص) کی توہین کی مذمّت
ویژه‌نامه ارتحال آیت‌الله تسخیری
پیام رهبر انقلاب به مسلمانان جهان به مناسبت حج 1441 / 2020
حضـرت ابــوطالب (ع) حامی پیغمبر اعظـم (ص) بین الاقوامی کانفرنس
ہم سب زکزاکی ہیں / نائیجیریا کے‌مظلوم‌شیعوں کے‌ساتھ اظہار ہمدردی