?>

محرم آ گیا، زہرا (س) کو ان کے لال کا پرسہ دینا ہے

محرم آ گیا، زہرا (س) کو ان کے لال کا پرسہ دینا ہے

ایران میں آج رات سے ماہ محرم الحرام کا آغاز ہو گیا اور ہر طرف مجالس عزا کا سلسلہ بھی شروع ہوگیا۔ مشہد میں فرزند رسولۖ حضرت امام علی رضا علیہ السلام کے حرم اقدس میں گنبد مطہر پر لگا پرچم تبدیل کر کے سیاہ پرچم لہرا دیا گیاہے۔

اہل بیت(ع) نیوز ایجنسی۔ابنا۔ اسلامی جمہوریہ ایران سمیت دنیا کے ممالک میں محرم الحرام 1442ہجری کا چاند نظر آ گیا ہے اور آج بروز جمعرات سے شب یکم محرم کی مجالس شروع ہو گئیں۔

 ایران کے تمام چھوٹے بڑے شہروں میں مختلف مساجد و امام بارگاہوں کو سیاہ پوش کر دیا گیا اور ہر طرف مجالس عزا کا سلسلہ جاری ہے اور پوری فضا یا حسین یا اباالفضل کے نعروں سے گونج رہی ہے جبکہ مشہد میں فرزند رسولۖ حضرت امام علی رضا علیہ السلام کے حرم اقدس میں گنبد مطہر پر لگا پرچم تبدیل کر کے سیاہ پچم لہرا دیا گیا۔ آپ علیہ السلام کی ضریح اقدس کو بھی سیاہ پوش کر دیا گیا۔ حرم مطہر پر سیاہ پرچم تقریبا سوا دو ماہ تک لہراتا رہے گا۔

محرم الحرام کربلا کے مظلوموں اور سید الشہداء کی غم کی داستاں لیکر پہنچ چکا ہے، اس سال حسینی عزادارطبی اصولوں پر عمل کرتے ہوئے مختلف انداز میں عزاداری کریں گے۔

ایران کے تمام چھوٹے بڑے شہروں اور دیہی علاقوں میں مساجد اور امام بارگاہوں کو سیاہ پوش کر دیا گیا ہے اور سڑکوں، گلی کوچوں اور عمارتوں کی چھتوں پر علم لہرا دیئے گئے ہیں۔

ماہ عزا شروع ہونے کے موقع پر پورا ایران سیاہ پوش ہو گیا ہے اور ایران کی فضا عزادار و سوگوار ہو گئی ہے۔

نوٹ:

خواتین کے لیے قم سے اردو میں گوگل میٹ پر آنلائن مجالس کا اہتمام کیا گیا ہے صرف خواتین حضرات مندرجہ ذیل لینک سے وٹس گروپ میں شامل ہوں تاکہ وٹس ایپ گروپ کے ذریعے گوگل میٹ پر منعقد ہونے والے مجلس عزا کا لینک انہیں مل سکے۔

https://chat.whatsapp.com/Fo8JNUaHN609RmmB7TZgU0

۔۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

مغربی ممالک میں پیغمبر اکرم (ص) کی توہین کی مذمّت
ویژه‌نامه ارتحال آیت‌الله تسخیری
پیام رهبر انقلاب به مسلمانان جهان به مناسبت حج 1441 / 2020
حضـرت ابــوطالب (ع) حامی پیغمبر اعظـم (ص) بین الاقوامی کانفرنس
ہم سب زکزاکی ہیں / نائیجیریا کے‌مظلوم‌شیعوں کے‌ساتھ اظہار ہمدردی