امریکی صدر پوری دنیا میں عدم استحکام پیدا کرنے کے ذمہ دار ہیں: فرانس

  • News Code : 819108
  • Source : ۔
Brief

فرانس کے صدارتی انتخابات میں سوشلسٹ پارٹی کے امیدوار نے امریکی صدر کو پوری دنیا میں عدم استحکام پیدا کرنے کا ذمہ دار قرار دیا ہے۔

اہل بیت(ع) نیوز ایجنسی۔ابنا۔ فرانس کے ہفت روزہ جریدے لوپوان نے اپنی سائٹ پر لکھا ہے کہ فرانس کے صدارتی انتخابات کے سوشلسٹ پارٹی کے امیدوار بنو اموان نے دیگر امیدواروں کے ہمراہ ایک ٹیلی ویژن مناظرے میں کہا ہے کہ امریکا میں دونلڈ ٹرمپ کے برسراقتدار آنے کے بعد دنیا میں عدم استحکام پیدا ہو رہا ہے- اس ٹی وی مناظرے میں فرانس کے صدارتی انتخابات کے ایک اور امیدوار دائیں بازو کی اعتدال پسند پارٹی کے رہنما فرانسوا فیون نے کہا کہ وہ انتہا پسند دائیں بازو کی امیدوار میرین لوپن کے اقتصادی پروگراموں اور یورپی یونین سے فرانس کی علیحدگی کے ان کے منصوبے کے حق میں نہیں ہیں- فرانس اور روس کے تعلقات بھی اس ٹی وی مناظرے کا ایک اہم موضوع تھا- فرانس کی انتہائی بائیں بازو کی جماعت کے امیدوار جان لوک ملینشون اور سوشلسٹ پارٹی کے امیدوار بنو امون کے درمیان یہ موضوع، اختلاف کا باعث رہا- البتہ ملینشون نے کہا کہ وہ روس کے ساتھ تعلقات کو کم سے کم اقتصادی میدان میں فروغ کے حق میں ہیں- فرانس کے صدارتی انتخابات کے ایک آزاد امیدوار امانوئل ماکرون نے کہا ہے کہ وہ اپنی کابینہ میں غیر جانبدار افراد کو جگہ دیں گے- فرانس کے صدارتی انتخابات کے امیدواروں کے درمیان آئندہ ٹی وی مناظرے، چار اور بیس اپریل کو ہوں گے- فرانس میں صدارتی انتخابات تئیس اپریل کو ہوں گے-  

۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

Arba'een
Mourining of Imam Hossein
پیام امام خامنه ای به مسلمانان جهان به مناسبت حج 2016
We are All Zakzaky
telegram