عزاداری پر قدغن کو کسی صورت قبول نہیں کریں گے: علامہ راجہ ناصر

عزاداری پر قدغن کو کسی صورت قبول نہیں کریں گے: علامہ راجہ ناصر

علامہ راجہ ناصر نے کہاکہ ہم جنرل ضیاء کے بوئے فصل کاٹ رہے ہیں غیروں کی جنگ میں پاکستان کو جھونک کر یہاں شدت پسندوں کے جتھے بنائے گئے آج یہی گروہ پاکستان کی سلامتی کے لیے ایک سنگین خطرہ بن کر ریاست کے مقابل کھڑا ہے۔

اہل بیت(ع) نیوز ایجنسی۔ابنا۔ اسلام آباد( ) عزاداری امام حسین علیہ السلام ہماری شہ رگ حیات ہے عزاداری پر قدغن کو کسی صورت قبول نہیں کریں گے، آئین پاکستان کے تحت ہر مسلک مذہب اور مکتب کو انکے عبادات اور رسومات کی انجام دہی کی مکمل آزادی ہے، انتظامیہ اور قانون نافذ کرنے والے ادارے ملک میں آئین کی عملداری کو یقینی بنائیں مٹھی بھر شرپسندوں کے ہاتھوں یرغمال بننے کے بجائے پاکستان سے اس منفی سوچ کے خاتمے میں اپنا کردار ادا کریں ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے استقبال محرم الحرام کانفرنس سے خطاب کرتے ہوئے کیا انہوں نے کہاکہ ہم جنرل ضیاء کے بوئے فصل کاٹ رہے ہیں غیروں کی جنگ میں پاکستان کو جھونک کر یہاں شدت پسندوں کے جتھے بنائے گئے آج یہی گروہ پاکستان کی سلامتی کے لیے ایک سنگین خطرہ بن کر ریاست کے مقابل کھڑا ہے ہم پاکستان تحریک انصاف کے سربراہ وزیر اعظم پاکستان عمران خان کے بیانات اور ان کے پالیسوں کو قدر کی نگاہ سے دیکھتے ہیں کہ انہوں نے اغیار کے جنگوں سے ملک کو دور رکھنے کا یوم شہداء پر عوام سے وعدہ کیا یہ پاکستان اور پاکستانی قوم کے لئے ایک خوشی کی خبر ہے انہوں نے کہاکہ ہمیں امید ہے کہ خیبرپختونخواہ حکومت صوبے کی حساسیت کو مدنظر رکھتے ہوئے محرم الحرام میں عزاداران کو بغیر کسی رکاوٹ کے فول پروف سیکورٹی کے انتظامات کو یقینی بنائیں گے،ڈیرہ اسماعیل خان میں حالات معمول پر لانے میں حکومت کو سنجیدگی سے سوچنا ہوگا آئی جی کے پی کے کے سپریم کورٹ میں بیان کہ ڈیرہ اسماعیل خان میں ٹارگٹ کلنگ میں پولیس اہلکار بھی ملوث ہیں،صوبے میں ایم ایم اے کے دور میں شدت پسندوں کو ایک خاص ایجنڈے کے تحت سکیورٹی اداروں میں بھرتی کیا گیا،ایک مکمل آزاد کمیشن بنا کر اس کی تحقیقات کرکے ان کالی بھیڑوں کو قانون کے کٹہرے میں لاکر اس سازش کو بے نقاب کیا جائے،ڈیرہ اسماعیل خان میں درجنوں بے گناہ افراد لاپتہ ہیں،اور ان افراد کے بارے میں تحقیقات کر کے ان کے لواحقین کو اطلاع دینا حکومت کی زمہ داری ہے علامہ راجہ ناصر عباس جعفری نے اپنے خطاب میں کہا کہ دہشتگردی کے خلاف جنگ میں حکومت کو کلیدی کردار ادا کرنا ہوگا کیونکہ یہ واحد حکومت ہے جن کے تمام اداروں کیساتھ مکمل ہم آہنگی ہیں یہ ایک خوش آئند بات ہے،اداروں میں ہم آہنگی سے ہی ملک کو درپیش مشکلات کا مقابلہ کیا جاسکتا ہے،انہوں نے کہا کہ ہم ملک بھر میں ڈیم بناؤ مہم کی کمپین کو چلائیں گے اور انشاالله ڈیم فنڈ میں بڑھ چڑھ کر حصہ لیں گے۔کانفرس میں بڑی تعداد میں شہریوں اور دیگر اضلاع سے آئے معززین علامہ جواد ہادی۔ علامہ سید سبطین حسینی ۔ علامہ خورشید جوادی اور دیگر نے خطاب اور شرکت کی۔

۔۔۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

haj 2018
We are All Zakzaky
telegram