فخر کائنات حضرت محمد مصطفیٰ(ص) اور صادق آل محمد (ع) کا یوم ولادت، ایران سراپا جشن و سرور

  • News Code : 871154
  • Source : irib
Brief

سرور کائنات رحمت للعالمین حضرت محمد مصطفے صل اللہ علیہ وآلہ وسلم اور انکے فرزند رسول حضرت امام جعفر صادق علیہ السلام کی شب ولادت باسعادت کے موقع پر اسلامی جمہوریہ ایران جشن و سرور میں غرق ہے۔

اہل بیت(ع) نیوز ایجنسی ۔ ابنا ۔ کی رپورٹ کے مطابق ایران کے سبھی چھوٹے بڑے شہروں میں فخر کائنات حضرت محمد مصطفی صل اللہ علیہ وآلہ وسلم اور انکے فرزند حضرت امام جعفرصادق علیہ السلام کی شب ولادت باسعادت کی مناسبت سے ہر جگہ محافل مقاصدہ کا سلسلہ جاری ہے اور سبھی مذہبی مقامات، سرکاری عمارتوں اور سڑکوں کو انتہائی خوبصورتی کے ساتھ سجایا گیا ہے جبکہ لوگوں نے اپنے گھروں میں بھی جشن سرکار دوعالم کی مناسبت سے چراغانی کی ہے-

حضور نبی کریم ص کے چاہنے والے نوجوان سڑکوں پر جگہ جگہ میٹھائیاں تقسیم کر کے ایک دوسرے کو مبارکباد پیش کر رہے ہیں-

جشن رسالت و امامت کے مرکزی اجتماعات مشہد مقدس میں حضرت امام رضاعلیہ السلام کے حرم مطہر اور قم میں جناب فاطمہ معصومہ سلام اللہ علیھا کے حرم میں جاری ہیں جہاں مداحان اہل بیت اطہار، بارگاہ رسالت و امامت میں منظوم نذرانہ عقیدت پیش کر رہے ہیں اور علما و ذاکرین حبیب خدا حضرت محمد مصطفی صل اللہ علیہ وآلہ وسلم اور فرزند رسول امام جعفر صادق علیہ السلام کی تعلیمات اور حیات طیبہ پر روشنی ڈال رہے ہیں-

اس پر مسرت موقع پر پاکستان اور ہندوستان میں بھی جشن کا سلسلہ جاری ہے اور جگہ جگہ محفلوں کا اہتمام کیا گیا ہے-

.......

/169


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

پیام امام خامنه ای به مسلمانان جهان به مناسبت حج 2016
We are All Zakzaky
telegram