ایرانی ڈاکٹروں نے کیا فلسطینی بیماروں کا مفت علاج+ تصاویر

اسلامی جمہوریہ ایران کے ڈاکٹروں کا ایک وفد حزب اللہ کے ڈاکٹروں کے ہمراہ لبنان میں واقع فلسطینی کیمپ میں بیماروں کا مفت علاج کرنے میں مصروف عمل ہیں۔

اہل بیت(ع) نیوز ایجنسی۔ابنا۔ خیبر صہیون تحقیقاتی ویب گاہ کے مطابق، ایرانی ڈاکٹروں کا ایک وفد حزب اللہ سے وابستہ ’اسلامی صحت تنظیم‘ کے ہمراہ لبنان میں فلسطینی کیمپ میں حاضر ہوا ہے تاکہ کیمپ میں فلسطینی بیماروں کا علاج معالجہ کر سکے۔
القدس نیوز ایجنسی کی رپورٹ کے مطابق، ان ڈاکٹروں نے ’البداوی‘ کیمپ میں ’الشفا‘ کلینک کے اندر تاحال ۲۴۴ بیماروں کو ویزیٹ کیا ہے۔ ’آزادی فلسطین کی عوامی مرکزی کمیٹی‘ کے رکن ’فتحی ابوعلی‘ نے ان ڈاکٹروں کی خدمات کو سراہتے ہوئے کہا کہ فلسطین، ایران اور حزب اللہ کے درمیان تعلقات کو مزید فروغ دینے کے لیے یہ ایک اہم اقدام ہے۔
العہد نیوز نے اپنی رپورٹ میں کہا ہے کہ مذکورہ ڈاکٹروں کی ٹیم گزشتہ منگل سے اس کیمپ میں مصروف خدمت ہے اور بیماروں کا مفت علاج کر رہی ہے۔

۔۔۔۔۔۔۔۔۔۔۔۔۔۔۔۔۔۔۔۔۔

۲۴۲


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

Arba'een
Mourining of Imam Hossein
haj 2018
We are All Zakzaky
telegram