امریکہ اسرائیل کو تحفظ فراہم کرنے میں ناکام : سید حسن نصر اللہ

امریکہ اسرائیل کو تحفظ فراہم کرنے میں ناکام : سید حسن نصر اللہ

حزب اللہ لبنان کے سربراہ سید حسن نصر اللہ نے شام پر امریکی حملے کی ایک بار پھر مذمت کرتے ہوئے کہا ہے کہ شام پر حملہ کرکے امریکہ اور اس کے اتحادی ، اسرائیل کو تحفظ فراہم کرنے اور اپنے اہداف تک پہنچنے میں ناکام ہو گئے۔

اہل بیت (ع) نیوز ایجنسی ۔ ابنا ۔ کی رپورٹ کے مطابق حزب اللہ لبنان کے سربراہ سید حسن نصر اللہ نے شام پر امریکی حملے کی ایک بار پھر مذمت کرتے ہوئے کہا ہے کہ شام پر حملہ کرکے امریکہ اور اس کے اتحادی ، اسرائیل کو تحفظ فراہم کرنے اور اپنے اہداف تک پہنچنے میں ناکام ہو گئے ہیں ۔سید حسن نصر اللہ نے اسرائیل کو بزدل قراردیتے ہوئے کہا کہ اسرائيل پھر لبنان پر حملہ کرنے کا منصوبہ بنا رہا ہے لیکن اس بار لبنانی عوام اسے عبرتناک اور تاریخی سبق سکھائیں گے۔
سید حسن نصر اللہ نے کہا کہ امریکہ، فرانس اور برطانیہ ، شام پر حملے میں اپنے اہداف تک پہنچنے میں ناکام رہے ہیں کیونکہ شامی فوج نے ان کے 70 فیصد میزائل حملوں کو ناکام بنا دیا۔ اور ان کے میزائل حملوں کے نتیجے میں شامی عوام اور فوج کے حوصلے مزید بلند ہوگئے ہیں ۔ سید حسن نصر اللہ نے لبنانی عوام پر زوردیا کہ وہ لبنان میں 6 مئی کو ہونے والے پارلیمانی انتخابات میں بھر پور شرکت کرکے اپنی طاقت اور قوت کا مظاہرہ کریں۔

۔۔۔۔۔۔۔

/169


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

haj 2018
We are All Zakzaky
telegram