سپاہ پاسداران انقلاب اسلامی کے سربراہ : یورپی ممالک میں امریکہ کے بغیر مستقل طور پر فیصلہ کرنے کی صلاحیت نہیں

سپاہ پاسداران انقلاب اسلامی کے سربراہ : یورپی ممالک میں امریکہ کے بغیر مستقل طور پر فیصلہ کرنے کی صلاحیت نہیں

اسلامی جمہوریہ ایران کی سپاہ پاسداران انقلاب اسلامی کے سربراہ نے کہا ہے کہ یورپی ممالک میں امریکہ کے بغیر مستقل طور پر فیصلہ کرنے کی صلاحیت نہیں ہے۔ وہ ایران اور امریکہ کے درمیان انتخاب میں یقینی طور پر امریکہ کو انتخاب کریں گے۔

اہل بیت (ع) نیوز ایجنسی ۔ ابنا ۔ کی رپورٹ کے مطابق اسلامی جمہوریہ ایران کی سپاہ پاسداران انقلاب اسلامی کے سربراہ جنرل محمد علی جعفری نے کہا ہے کہ یورپی ممالک میں امریکہ کے بغیر مستقل طور پر فیصلہ کرنے کی صلاحیت نہیں ہے۔ وہ ایران اور امریکہ کے درمیان انتخاب میں یقینی طور پر امریکہ کو انتخاب کریں گے۔

جنرل جعفری نے مسلح افواج کی ایک تقریب سے خطاب کرتے ہوئے کہا کہ مشترکہ ایٹمی معاہدے سے امریکی شرپسند حکام کے خارج ہونے پر مبارکباد پیش کرتا ہوں ۔ انھوں نے کہا کہ عالمی برادری پر ایک بار پھر واضح ہوگیا ہے کہ امریکہ قابل اعتماد نہیں ہےاور ہمیں اپنی اندرونی توانائیوں پر توجہ مبذول کرنی چاہیے۔

جنرل جعفری نے کہا کہ یورینیم کی افزودگی ایک بہانہ تھا اور امریکہ کے مشترکہ ایٹمی معاہدے سے خارج ہونے سے یہ ثابت ہوگيا کہ امریکہ کے لئے اصلی موضوع ایران کی دفاعی طاقت، ایران کی اسقتامت اور ایران کی دہشت گردی کے خلاف کارروائی ہے۔

انھوں نے کہا کہ امریکہ کے لئے اہم مسئلہ اسلامی جمہوریہ ایران کی دفاعی اور فوجی توانائی ہے اور ایران کی مسلح افواج کو اپنی دفاعی توانائیوں پر ہمیشہ توجہ مبذول رکھنی چاہیے ۔

جنرل جعفری نے کہا کہ ایران کو یورپی ممالک پر بھی اعتماد نہیں کرنا چاہیے کیونکہ یورپی ممالک فیصلہ کرنے میں مستقل نہیں ہیں ۔وہ امریکہ اور ایران کے درمیان انتخاب کی صورت ميں یقینی طور پر امریکہ کو انتخاب کریں گے۔

۔۔۔۔۔۔۔

/169


اپنی رائے بھیجیں

آپ کا ای میل شائع نہیں ہو گا۔ * والی خالی جگہوں کو مکمل کیجیے

*

Quds cartoon 2018
We are All Zakzaky
telegram